來到最後一天在香港, 要盡情地吃! (其實回來的每一天, 我都好盡情, 哈哈!). 再去百利冰室, 喜歡它的豬仔包. 又掃吓街, 鱼肉燒責, 不過麻麻哋好吃. 在掃街期間, 係7仔店巧遇加國的大學同學, 他說平時少行這邊, 今日因要去銀行才過來. 我會視這些是緣分, 有緣的話, 点都會見到! 無緣, 見極都見唔到.
嘩! 連豬肉檔都咁電子化呀! 我真係大鄉里!
昨日已鎖定午餐要去大家樂吃荷葉飯. 怎知到取餐時, 發現阿姐出錯餐. 我一心諗住來吃荷葉飯, 梗係同阿姐講. 点知阿姐話, 我無出錯餐, 張單係鮑片雞粒飯. 於是我咪同收錢果阿姐講, 我係要荷葉飯, 不是鮑片雞粒飯. 点知這位收錢阿姐就仲叻, 佢話荷葉飯賣哂. 咁! 我就仲嬲. 你賣哂荷葉飯做乜我落單時. 你不告訴我, 夾硬要我食鮑片雞粒飯. 第二点解荷葉飯賣哂, 餐牌上沒有售罄牌貼上. 心情大趺, 真係食乜都無味道!
点知我Honey懷疑收錢阿姐講大話, 因佢見到厨房有出荷葉飯給客人. 他索性企係出餐部，隔了三四張單, 厨房又再出荷葉飯給客人. 嘩! 學劉華話齋: 今時今日, 咁嘅服務態度, 点得呀! Honey 同阿姐理論, 要見經理. 經理不斷說唔好意思, 話明天留定個荷葉飯給我. 我話今晚生飛機離開香港, 点知佢問我幾時返香港. 我說我是遊客, 昨日已想來吃荷葉飯, 可惜已售罄; 所以今天再走一趟來吃. 但無諗過收錢阿姐荷葉飯賣完又唔出聲, ，局我食鮑片雞粒飯! 加上收錢阿姐解釋沒有掛售罄牌, 原因是除不下餐牌. 根本掛售罄牌是不用除餐牌, 只需把售罄牌貼在餐牌上就可以, 因我昨天巳見過售罄牌. 好明顯! 這個經理怕咗班阿姐, 又驚有其他食客拍片放上網, 他只想平息我倆的怒氣. 他說全數退回給我們, 還問我們有冇其他野想食? 咁嘅氣氛, 乜心情都無啦! 平時我真係會信阿姐講荷葉飯賣完, 夾梗吃鮑片雞粒飯就算! 但今次好像神推鬼擁, 比我Honey 發現D阿姐講大話.咁我就唔甘心啦! 我是消費者‧, 我有知情權. 最後, 經理唔單止退回鮑片雞粒飯的價錢, 通Honey 的焗豬扒飯也退回, 而荷葉飯餐牌上立即加上了售罄牌.
就係咁! 大家樂事件, 便結束了我 21 的旅程啦!
完全明白妳感受，雖然心裡明白就算道理喺自己嗰邊，越嘈自己亦只會越唔開心，但遇著啲嘴臉阿姐，嗰度火又確係難下。
ReplyDelete向好方面諗，臨上機唔食大家樂都唔係壞事。。。n年前朋友親戚喺大家樂做廚，佢每日食飯只會攞一只原隻未開咸蛋做餸撈白飯，其他食物，佢一啲都唔食。