2019.05.30 香港, 日本 & 深圳遊 DAY 9B

每次回港, 都想吃自助餐.  光顧了兩次HOTEL ICON - THE MARKET後, 今年試都會海逸酒店 - THE PROMENADE.


整體來說, 我比較喜歡THE MARKET 多D.   THE PROMENADE食物種類同THE MARKET都一樣有好多, 不過個人覺得THE PROMENADE食物大眾化D, 而 THE MARKET食物比較精緻, 甜品亦較多款式.



回來睇番相, 才發現自己忘了吃這個炸軟殼蟹配青芒果沙律, 走寶了!



自選粥品, 我當然揀了加國唔多的蟹皇, 再加海鮮, 正!

又是在加國吃頗貴的鵝肝, 吃了3件, 大滿足!


甜品一般, 最愛吃芒果拿破崙, 第一次食, 外脆內軟, 愛上了! 又吃了3件, 好好味!

2019.05.30 香港, 日本 & 深圳遊 DAY 9A

今天我中學閨蜜專登唔開工, 請假同我入大澳兼吃自助餐.  其實住了香港咁耐, 我一次都未去過大澳.

坐觀光船是遊客指定動作.


上船時無諗, 到開船後的一半路程, 船主突然加速, 我才醒起自己會暈船浪呀, 好彩都頂得住, 無事!

難得一見的鐵皮屋.


第一次見瀨尿虾乾, 唔知好唔食,買了些回加國, 到現在仍未開始食


今次回港同燕子好有緣, 巳經第三次見,  頭兩次在鎌倉, 今次又在大澳見到.  一見到動物, 我會好興奮.


我們從碼頭慢慢行去大澳文物酒店, 沿途風景好靚, 令人好舒服.  可能不是假日, 環境非常寧靜


嘩! 有好多大樹菠蘿係樹上面.


和同學仔傾吓行吓, 好快就到逹大澳文物酒店.   這酒店一早巳知道是由舊大澳警署活化而成, 想來打咭好耐, 可惜每次回港都時間緊逼, 今次終於有機會啦!

原來這酒店只有9間房咁少,  不過坐落在小山丘上, 可飽覧眺遠景色.





回程時見到好多藍色膠桶,  才發現是人手整虾糕.

食上癮 呀!

近期大熱的黑糖珍奶雪條, 真係幾特別嘅!   正當又斷貨的時候, 又有另一產品出現 -珍珠鐵觀音奶蓋, 為免又斷貨, 立即買下來試試.


珍珠鐵官音奶蓋也是台灣出品, 雪條分兩層 (上層是奶蓋, 下層是鐵觀音奶茶, 整條雪條都藏有珍珠, 而這珍珠不是QQ的, 是爽口. 雪條上層的奶蓋頗甜, 帶有濃濃的鍊奶味.   下層的鐵官音奶茶除藏有珍珠外, 還混入了荼葉.  可惜吃不出鐵官音約香味, 只有奶荼味.


整整體來說, 成條珍珠鐵官音奶蓋雪條奶味頗重, 可以試吓.

2019.05.28 香港, 日本 & 深圳遊 DAY 8

朋友仔知我回港必飲奶茶, 所以一早就計劃和我來"我杯茶" 嘆奶茶. "我杯茶"是2010年國際奶茶王羅德師傅開的小店,  主打外賣, 所以店內不會有太多座位. 

叫了鮮牛蛋治及炒蛋菠蘿包來配奶茶.   相隔半年, 巳忘記了味道,印象中都是好. 鮮牛蛋治麵包鬆軟蛋嫩, 奶茶亦唔錯.

途經囍帖街 (新利東街街), 又再想起和老豆2015年曾經來過, 我又眼濕濕兼心酸, 他離開了巳3年, 時時刻刻都掛住佢.


晚上和Honey同學見面, 他帶我們去大埔稻八日式火鍋炸物放題、相比在温哥華吃放題, 香港的種類真係超多. 



這裡有鱼生, 炸物, 前菜及火鍋配料再加自選牛肉 (澳洲和牛,美國和牛或多款牛肉)再加晶海鮮, 羊肉雞肉豬肉, 係無可能吃得唒!


















炸物是自助形式, 旁邊有鍋油及麵包糠給客人使用.



這餐我食得最多是牛舌,  因為在加國吃會貴D.乞

2019.05.27 香港, 日本 & 深圳遊 DAY 7B

去完中華街便回酒店收搭行李去機場,  途中入7仔整番杯抹茶甜品嘆嘆!


旅行社今次幫我們訂的3星酒店, 有不少設施. 酒店最低層有一個大浴場 , 可作公眾及私人用途.  只要在指定時間填上姓名, 就可以霸成個浴場一小時私人享用, 完全免費.  另外每日3點後, 酒店供應即磨咖啡及冰麥茶, 晚上10點後, 又有多款免費茶漬飯作消夜. 可惜我們每天都出外, 未能享用.  我發覺這酒店很少外來旅客, 大部份住客是日本人.

機場的花展巳經由我剛到步的紫藤花裝飾轉了綉球花裝飾.


上次因為晨早抵達機場, 所有商店都未開門, 臨離開日本前, 梗係要逛逛啦!

順便吃多一餐才返香港.

來了幾次日本都無機會吃沾麵, 難得有緣遇上, 一於叫個來試吓.

Honey 一路都找不到理想的拉麵, 他不愛一蘭, 又不愛粗拉麵, 這碗算是啱佢心意

另外又叫了炸雞及餃子, 樣樣野都唔錯.吃飽飽便入閘, 入閘後仲有好多商店行.

ANA的飛機餐真的很用心, 早餐內的班戟只有牛油, 那糖漿去了那裡? 


原來糖漿巳隱藏在班戟中間內, 免得乘客食班戟時, 把糖漿弄到一手都係, 超貼心的服務！