英，法，西班牙之旅Day 17

今日去倫敦效外的地方，有溫沙堡，仲有被聯合國列為世界遺產嘅小城叫做Bath,同埋擁有五千年歷史嘅巨石陣Stonehenge.好, 雖然旅遊巴士會途經酒店接戴我們, 但整個行程成八個鐘, 所以要一早出發!

去倫敦，除咗去白金漢宮，有時間嘅話，梗係要去埋溫莎堡啦，擁有九百年歷史嘅溫沙古堡，係世界上仍然有人居住嘅最大古堡，如果温沙堡或者白金漢宮掛起英國 皇室旗，就代表英女皇係度住，相反英國國旗掛起的話，就即係代表女王唔係度住。温沙堡收藏著無數嘅珍宝，最令我有深刻印象嘅古老火槍，刀劍同埋盾牌，全部 都掛哂係牆上面，加上古堡樓底高，你會覺得擺咁大量嘅兵器係牆上面，會令到我覺得好震撼，仲有英國瑪丽皇后嘅玩具屋，同現代人一樣，都係鍾意玩 miniature,有迷你餐具同傢俬，唔少得仲有洋娃娃。可惜的是所參觀的地方, 全都不能拍照.  , 堡內的工作人員會望著所有遊人, 當有些人不守規則, 他會走上前禮貌地提示你. 始終家有家法, 國有國規, 不應用閃燈去破壞這些收藏品.

 

                                

看完這些收藏品, 剛巧遇着一班御林軍正在換班.

離開温沙堡後，堡外有很多商店，比我發現竟然有Le Crescent,正在宣傳粉色系列，我用LC只是初哥，但這些顔色正合我心意，好靚呀。

係倫敦西面，有一個小城叫做Bath巴斯城，佢係被譽為英国最美丽嘅城市，亦都係聯合國認定嘅世界文化遺產。這個城市隱藏住羅馬帝國嘅遺跡，集繁華同悠遠歷史於一身，無論係文學，建築同藝術嘅表現，都同樣令人讚嘆。Nee一個咁靚嘅小鎮，有好多電影好似 La Myserty 孤星淚同埋The Duchess叛逆激情等等電影都係係Bath取景拍攝I。而傲慢與偏見嘅作者Jane Austen亦曾經係巴斯城居住過。

 

係公元一世紀嘅時條，羅馬人嚟到巴斯，發現nee一個 地方有溫泉，羅馬人好重視沖涼，又視冲涼為社交之一，於是開始建造神殿同温泉療養所，自此之後，巴斯成就成為當時貴族的社交場合。

嚟得Bath 一定要去羅馬浴場博物館，博物館入面嘅温泉，每日都會湧出46度以上嘅泉水，仲有保留一個浴池，不過已經被列入保護，係唔開放比人冲涼，但係每日都有好多 遊客嚟朝聖，望著一個咁靚嘅浴池再配合一D咁壯麗嘅建築物，可想言之當年係幾咁輝煌呢。

係英國倫敦嘅西南面，有一堆堆嘅石頭排列係梳士巴利平原上面，這個巨石陣stonehenge，已經擁有五千年歷史，究竟D石頭放係度有乜用呢，到而家都仍未搵到答案。有人話這堆石頭係神殿，亦有人話係天文鐘。

我自己親身睇過之後，感覺上似天文鐘多D，最值得令人百思不解嘅係以前D人係無任何機械工具之下，点樣去運送石頭嚟到草原，運到去草原之後，又点樣豎立 這些石頭呢

                         ** 估計以前D人是居位這些矛屋, 每日用以下的工具運輸石頭 **

 

睇完石頭陣之後，我只會覺得一堆堆原本带有神秘感力嘅石頭，因為每日不停有旅客朝聖嘅關係，都变得熱鬧起來。神秘感唔再咁強烈，理得佢係天文鐘定神殿，我就當這堆石頭好似藝術品咁，放係個大草原上比人參觀。

晚上去了King Cross 站, 因為果到有個假Harry Potter 月台, 方便紿Harry Potter迷影相. 還有一間專門店, 售賣一系列產品. 

 我不是Harry Potter迷, 叫做此地一遊便算. 跟著上了樓上洒吧吃飯, 再吃炸魚薯條, 還是覺得Liverpool 的更好吃, 還吃了青口.

 

 

明天行程是我整個歐遊最亮点及最難忘的一日, 真的皇天不負有心人.  再續.

英，法，西班牙之旅Day 16

未去英國之前，已經計劃好去白金漢宮睇衛兵交接儀式。 由於官方網站的資料是非常不正確，就連警察都比錯資料我們， 所以連續兩日去朝聖，都撞正白金漢宮隔離嘅格林公園舉行跑步比賽，慮我哋白行咗兩日。

                            ** 如果網站資料準碓, 就不用勞動到警察出來逐一同遊人解釋 **
我只留倫敦四日，第三日全日跟團，第四日只留倫敦半日，根本沒有多餘時間再嚟啦。
冇辦法啦, 唯有又改行程啦!

                                   ** 見到人家的門口用花點綴, 靚到我走返轉頭影相 **

大家相議後, 就改去行Harrods啦。  我咁為食, 第一時間梗係走去行超市同美食廣場啦.

                           **  估唔到連中式點心及海南雞飯都有, 有Ｄ衝動想買個飯吃  **

行完Harrods, 就去行London Bridge 同 Tower Bridge

 

 

行到成三點幾, 又係醫肚時間. 我們去了Camden Town. 

無意中發現有Tapas 吃, 加上是Happy Hour, 所有Tapas 都是買一送一, 我們班為食鬼又怎能錯過這機會呢.

 

 

 

.                                                                ** Ribs 同沙甸魚 **
Camden Town 又些似香港的女人街,  不同的是他們售賣一些當地設計師的產品, 有Ｔ Shirt, 擺設及飾物. 但因為吃完飯都成五點, 街邊檔已經收哂, 我們只好去逛鋪頭. 鋪頭就主要賣紀念品啦, 但相比起Convert Garden 那些紀念品商店, Camden Town 貨品的質量就唔多好.

逛完 Camden Town,有團友話要感受一吓英國酒吧的氣氛. 於是我們就走番去Piccadilly附近,求其 搵間酒吧Relax 吓.  行吓逛吓又行到去Regent Street, 亦從白天行到天黑.  途經一些甜品店及特色橫街, 之後就找了間酒吧買醉.  

 

今天行程都算緊密, 我們一日去了那麼多地方.  但明天行程就仲誇張, 去倫敦郊外三個重要景點, 好彩大部分時間只是坐車, 否則腳跛了.

英，法，西班牙之旅Day 15B

去倫敦，指定動作唔少得梗係去大英博物館。所以離開Convent Garden後，便去了。可能之前在巴黎及巴塞隆拿已遊覧過其他博物館，相比之下，大英博物館就乜特別野想看。我只知道博物館的外圍建築有古希臘特色，同埋知道佢係参考古希臘神廟嘅建築風格之外呢，另一個我有興趣嘅呢就係搵吓Night at the museum 3電影入面搭嘅大英博物館同真實有幾大分別，最後發覺係完全唔同，梗係真嘅靚D啦。
                                                 **   以下是一些喜歡收藏品  **

 

 

博物館內，我最喜歡他們的正門大堂，好光明，好靚同好富現代感。

 

去完大英博物館，文又係時候醫肚啦。今次選了旅遊節目所介紹的酒吧，為的是一套迷你批配啤酒。起初看節目時，已經好想試那三款啤酒，所以立即記下酒吧名字上網搜尋。

 

想欣賞倫敦整個景色，大家諗到嘅梗係坐London Eye啦。但係倫敦眼要二十磅一個人，又要排長龍，我為咗慳錢慳時間，就去咗Sky Garden啦。這地方是在我出發去歐州前，無意中看雜誌時給我發現的，好像今年二月才開放。

 

Sky Garden 係位於Walkie Talkie Tower 嘅三十五樓，大廈嘅外型i就像一部對講機。Sky Garden 用咗超過二億打造，係全歐州最高嘅空中花園，花l園內有超過二千棵亞熱帶植物，整個花園上下高達三層樓，加上三百六十度大片落地玻璃設計，可以用唔同嘅角度 去欣賞倫敦嘅景色，近嘅有倫敦金融區，遠嘅就有倫敦塔橋。

 

Sky Garden 最重要係免費入場同網上登記就可以啦。咁當然你亦可選擇係餐廳入面飲杯野又或者吃餐飯去欣賞倫敦整個景色啦。

睇完靚景都成八,九点，仲未捨得回酒店，就走去國會同西敏寺教堂周圍逛逛。去到除咗多人外，發現有些路段開始局部關閉，又有警察把守著,望落似乎今晚會在國會附近一帶拍夜戲。

倫敦一向以雄偉壯觀嘅傳統建築物好似大笨鐘，倫敦橋同西敏寺教堂而聞名，唔單止係旅遊景点，就連好多電影都鐘意係到取景。正當我在倫敦的日子嘅時候，估唔到咁都比我見到有人拍戲啦。

 

剩睇個場面，就知道係大片，大廈上面打哂大光燈照住成條泰吾士河，等船亦放咗排燈国會大樓大笨鐘一帶全面封路，仲有飛車上面，我哋仲講笑咁講，咁大場面梗係拍占士邦啦。点知細問D電影工作人員，原來真係拍占士邦。我哋講笑会變咗講真呀。