香港,京阪神2017 Day 13 - OCT 30, 2017

早上起來, 約了爸爸的世交飲茶.  以前回港, 我只會陪我爸去見世交, 如今我爸走了, 我代他去見世交吧!  其實這些世叔伯, 真係見得一次得一次.

晚上親戚約了在大埔吃飯, 我們早D入去行吓.  未返港前在飲食雜誌見有新鋪推介, 打算回港試吓!  始終大埔熟食中心內的魚旦粉才啱我口味. 我好喜歡大埔, 多好野食又唔貴如豆腐花及粉果等.

行吓行吓又到晚飯時間, 在稻香食!  好耐無吃的乳豬及琵琶豆腐. Yum !

香港,京阪神2017 Day 12 - OCT 29, 2017

一早起來, 去大家樂吃個早餐先. 回港總愛光顧連鎖快餐如美心、大家樂及大快活. 對於我這個加爛,  大家樂早餐有銀針粉吃 、大快活早餐又有辣醬上海麵吃, 真係精彩萬分!  相比起在加國吃港式早餐, 就比較沉悶兼選擇少.

下午約了朋友去香港仔剪頭髮, 再去大佳B吃甜品. 它的招牌甜品 "大佳B", 外貌極像一個 Mini 版的元朗 B 仔涼粉，就係涼粉底 + 大小西米 + 生果既組 + 芒果漿，及一個B字外型的玫瑰味果凍.  另外叫了甘露鮮奶蛋白 - 楊枝甘露 + 蛋白.  大佳B生意超好, 我們下午三点幾去,它燈還未開,正凖備營業,.  相隔20分鐘後, 甜品屋已有三枱客, 到我們叫完甜品後, 店舖已有七成客人.

吃過甜品後, 和朋友坐車到華富邨, 再從華富邨行去數碼港.  以前住華富邨, 還未有數碼港, 每次回港, 都想找機會去行吓, 今次終於有機會.  路途不遠, 又唔難行, 好舒服.  行到去最多明星愛放狗的公園, 明星就見唔到, 相反見到最多是"小心有蛇"及"有野豬"的警告牌. 勁搞笑!

晚上Honey 話要Encore, 再去渣華道街市的東宝小館.  今晚試麻辣牛利, 紅咖喱魚, XO醬翠玉瓜豬頸脊, 自製香草醬脆豆腐同鼓油王炒麵.

再叫秘溝酒飲


昨晚來沒有留意他們的餐牌, 原來東宝小館是非常有性格, 附送的姜汁涼粉都好吃.

食完晚飯, 和朋友去聽林憶蓮, 不太喜歡這次的製作, 好"禪"!  演唱會話完就完, 沒有氣氛, 加上林憶蓮竟叫FANS唱歌比佢聽.  可能我不習慣這種表演模式.

香港,京阪神2017 Day 11 - OCT 28, 2017

今早要去吃魚旦粉, 很多在加國朋友都大力推介江仔記, 因為佢有魚扎食.  途經灣仔的甘牌燒鵝, 星期六早上十一点已排哂長龍, 好誇張!

又見扮懷舊店舖車仔麵, 仲有鼎爺私房菜在銅鑼灣V Point  21樓

去江仔記吃魚旦粉, 印象中我可能中學年代吃過, 不過那時無現在咁為食, 亦唔識分好食定唔好食.  加上不是太多店鋪有魚扎食, 我就更加要去啦!

吃魚旦粉時, 和我們搭枱的客人, 竟然問我江仔記魚旦粉是否很出名?  我跟他說應該都算出名, 但我不確定, 因我們不是本地人.  言談之下吃, 原來對方是來自多倫多, 大家都是來自加拿大的遊客, 自然有很多話題.  他們講吓多倫多的生活, 我們又講吓溫哥華, 又交流吓香港邊到有好野食等.

吃完魚旦粉. 坐叮叮去了上環.  讀小學時, 我經常在這區陪迴. 以前日日見到公利, 無乜感覺.  移民後,  沒有太多機會飲蔗汁, 現在一返香港, 若來這區,必會飲蔗汁.  今次去上環, 目的是PMQ 元創方. 以前是荷李活道警察宿舍, 被評級為三級歷史建築.  2014年把這歷史建築物活化成一個創意中心 - PMQ 元創方.  這裡的租戶大多為香港新晉創作企業家為主，提供創意禮品、自家設計時裝、生活家品等等.

喜歡這概念, 把煲個中藥的藥渣製成肥皂, 不用浪費.

PMQ 元創方門內的設計- 單車位置是警察宿舍內的露台, 仲有後樓梯.


離開元創方, 見PMQ對面有店舖售賣北京兔爺 (北京老傳統玩具), 又走入去看看.



晚上約了好友去北角渣華道街市內的東宝小館吃飯.  上次回港已經想試, 但沒有時間, 所以今次要找機會去.  剛巧那天是周六, 又近萬聖節, 比我們遇上班鬼仔鬼妹慶祝萬聖節, 個個扮到入型入格, 好有氣氛.  十點後就更有氣氛, 東宝小館會爆機狂播音樂, 一個熟食中心即時變了著咗燈嘅Disco, 個個飲住洒都好High!

最正係用戰鬥碗飲洒



個個讚蒸馬友好吃, 連唔多吃魚的我都說唔錯.  牛仔骨同紅咖喱都唔錯.   還有東宝自己溝出來的洒 - Vodka + 花彫. + .......