Hawaii Trip Day 3B - Dec 17, 2019

疫症期間, 大家都盡量留在家中, 希望所有Blog 友都平安度過, 待疫症過後, 大家可快些回復正常生活, 繼續去旅行, 繼續吃喝玩樂!

大家, 加油呀!

多了時間在家, 可繼續我的遊記, 回憶一下我的快樂時光!  吃完午餐後, 順道在唐人街行下!

這個市場富有東南亞色彩, 有懷舊街市, 又有古老雜貨店!







原來迎接我們到步的花環, 可以在街上買到.  一盒盒用人手穿好, 放在雪櫃內任君選擇! 而店內不斷有人努力在穿花環.

晚上去了吃烏冬, 因為價錢平又好吃, 所以經常大排長龍.

排隊從來對我都不是問題, 多人排隊味道應該唔會差得去邊! 這烏冬店從未在日本吃過, 上次吃是在北京, 今次吃竟是在夏威夷!

夏威夷店和北京店有些不同.  可能是旅遊區, 夏威夷店食物較多選擇, 有烏冬沙律又有牛肉烏冬等.   相返數年前的北京店, 食物就只有烏冬, 配搭就只有10幾款天婦羅, 沒有任何特定的牛肉烏冬及擔擔烏冬等囗味.   無吃多年, 味道依然!

在夏威夷,  和日本一樣, 很多產品都是區域限定!   真係好易破財, 我自己都買咗少少! 「

相中小叮噹的太陽眼鏡，可以戴在叮噹面上,又可以放在叮噹頭上.

終於封城!

今天溫哥華市政府今日宣布將會關閉大多數的市府設施，並要求酒吧及餐廳業者，配合限制店內的顧人數。而關閉的設施包括社區中心、游泳池、健身中心、滑冰場、高爾夫球場以及所有市府的戲院。

過去3個星期, 溫哥華聽眾打上電台的Phone In 節目, 大部份人都是問:

1.) 確疹數字係咁升, 點解仲唔封關?

2.) 幾時會封關?

3.) 成日話加國新冠肺炎仍處於Low Risk,  再唔封關, Low Risk 就變High Risk

好啦!   今天早上加拿大總理杜魯多宣布全面封關，除了加拿大及美國公民外，禁止其他人士入境，同時在18日起會限制所有飛往當地的航班，只能前往四個主要城市.

本來宣布封城, 終於令大家可以鬆一口氣, 怎知.....他一句"除了加拿大及美國公民外", 又會唔會令大家透唔到氣?

Hawaii Trip Day 3A - Dec 17, 2019

昨夜吃自助餐比平常晚餐吃多了, 所以今天要去行山.   上一次來夏威夷是渡蜜月,  在沒有做足功課及準備下,  我們只在山腳下拍照, 到此地一遊便算.  但今次行上山, 個景靚到呢....

先上山找隊道，過完隊道再找入口處. 隊道有D窄, 人和車可一齊過隊道.


在夏威夷經常見到這兩種雀鳥，紅色頭叫Red- crested cardinal ，另外果隻叫Zebra Dove, 因為佢有間條紋，似隻班馬.

好啦, 開始由山腳上最高的山頂, 我統計過有二條好斜好窄嘅樓梯, 一條有60幾級, 另 一條有90幾級, 期間上山的路有很多碎石, 但又不算好辛苦, 只是天氣好熱.  不過一上到山頂後, 望著成個靚景, 是超值的.



行完山去食晏 , Auntie 推介去唐人街食滑滑河粉, 佢話從未在北美洲食到咁滑河粉. 佢上次來, 食完仲買咗3磅帶回溫哥華.


早起的鳥兒有蟲吃, 我們兩點才到達此店, 一坐低伙計便說河粉賣哂, 仲有腸粉.  一心來吃河粉, 唯有試腸粉, 但我又唔覺得好特別.  不過每人有唔同口味, 不能以我作為標準.

河粉吃唔到, 只好食牛腩麵及雲吞麵.   水準就一定是溫哥華好.   這裡只有家中媽 媽的味道.   本想再找機會來試河粉, 但行程緊逼, 唯有寄望下次旅程.

温哥華 - Gram Pancake

Gram Pancake 终於在温哥華開了! 味道。。。。。

因為是外賣，不是现做現吃，所以無乜特別。 若要堂食，要等多一小時才有位，所以我無等。 不過在香港食過即做即吃，真係好好食，唔知加國能否做到日本及香港的水準啦?











下次要堂食才可試真D。 上次在香港吃幸福pancakes 好香蛋味，這间牛奶味就重D. 我 LIKE 蛋香多D.

Hawaii Trip Day 2C - Dec 16, 2019

未來夏威夷前, 巳在網上搜尋哪裡有好的自助餐吃, Google彈出來第一間就是位於 Prince Hotel 內的100 Sails Restaurant & Bar, 到步後再問機場接送司機, 他亦說這間最好是吃海鮮.  除此之外, 這餐廳近沙灘,  訂位時要求坐近窗邊, 夾啱時間可看日落.












































中午去Ala Moana Mall途中先去視察一下環境, 看看自助餐餐牌, ,順道訂埋位. 環境非常舒服, 這是給人等待入座的地方.
























真係超多選擇, 我當然主攻螃蟹. 這裡的螃蟹夠新鮮多肉, 不會死鹹. 隔離有一對大份的黑人男女朋友, 全程只吃兩種食物, 就是螃蟹同燒牛肉.



我覺得這裡的食物有些帶有亞洲風味, 有炸蠔,胡椒蝦及黑椒燴鸭腿.






其實已經吃到好飽曲想放棄甜品, 但原來這裡的甜品很有夏威夷風味. 一場來到夏威夷, 熙、點都要試下椰子忌廉蛋糕、夏威夷果仁批及椰奶芒果西米杯.  甜品好好食, 不太甜.

Hawaii Trip Day 2B - Dec 16, 2019

好友推介在Ala Moana Mall內有一條日本邨, 內裡有超過40間日本食堂, 對於我這個日本粉絲, 發大達啦!




















左邊賣文具精品，右邊是扭旦機, 後面仲有間迷你神社, 可以給客人求籤.

整店都是吃午餐肉壽司

有餐旦壽司，又有午餐肉壽司，仲有紫蘇葉或牛油果午餐肉壽司

亦有售賣專做午餐肉壽司的工具



















走完成條日本邨, 除午餐肉壽司外,真係應有盡有!  拉麵, 燒肉飯, 日式咖哩, 餃子, 天婦羅, 鍋物, 吉列牛, 吉列豬,日式班戟 & 日本生啤.   最後揀了燒牛肉拉麵, 貪佢有多人比LIKE, 想試下係咪真係咁掂, 講真, 係超.....掂.  

拉麵湯底好有蒜香味, 燒牛肉不老兼重牛味!  可要求免費增量拉麵, 但我就無要, 要留肚吃其他東西.

燒肉鷄肉飯一般啦! 食飽就走去行當地超市.  回加國後, 經當地人告知, Foodland 最出名就是POKE.  除遊客買去海灘吃外, 好多當地人都會買外賣.  當天下午三點幾, 櫃檯已有十幾人排隊購買.


Poke 有好多選擇，有八爪魚，吞拿魚及帶子。 味道又有醬油，味噌及沙律醬，真係大開眼介。

超市內增設洒吧，给客人品洒吃火腿及芝士