我的旅遊日記 - 2022.12.30 (香港)

今天約了朋友重返尖沙咀海防道熟食中心,因上次我們拜訪時德發牛丸休息,所以再來. 加上睇中另一排檔的咖哩, 想試下好唔好味.

可能對牛丸期望過高, 好食但未至於驚為天人,相反另一排檔樣樣都唔錯.

試了海南雞飯, 葱油豬扒和咖哩牛腩. 葱油豬扒好食過隔離的網紅排檔, 啱我們的口味! 現在睇番相才發覺當天我們非常大食.

食飲要消化吓, 去活化後的中環街市參觀,

相信這樓梯絕對是街市的標記, 亦是我兒時腦海留下最深刻的印象!

地下最底層是Food Hall, 最欣賞用了照鷄蛋的紅膠燈罩做裝飾.

逛完中環街市, 再去西港城.剛巧有巴士歷史展覽.

晚飯和舊同學聚會, 我揀了加國無乜的潮州菜.

和舊同學吹水, 永遠都有說不盡的話題, 加上啤酒配食物, 絕配! 記得這餐最好吃是炸豆腐, ，炸到外脆內滑, 兩個字, 正呀!

我的旅遊日記 - 2022.12.29 (香港)

今年回港撞正牛一, 就拺D自己喜歡的食物吃! 好像從2003年開始，不知道什麽原因，每年牛一，我總會和我爸爸吃灌湯餃。但自爸爸去了天堂後,生日再吃灌湯餃時, 總是覺得不太好吃. 是爸爸不在所以灌湯餃不好吃? 還是很難再找到節好吃的灌湯餃?

從灌湯餃關注組找到一間酒樓的灌湯餃, 評價唔錯又有食評人加持, 便去試試.

點心牛肉燒賣, 糯米包唔錯, 可惜灌湯餃都是麻麻哋!

Honey話想去朋友推介的車仔麵店, 又走去試下啦. 始終不及我們吃開花園街的真知味車仔麵好吃, 可惜經營了30年, 2022年店舖關門大吉了!今年生日想去尋找番我的兒時回憶, 所以回去我以前成長的地方 - 華富邨

近期有兩套電視劇把華富邨拍得很美, 一套是"香港愛情故事",另一套是 "下流上車族".

嘉豪酒家的前身是華富酒家, 以前爸爸經常帶我來這裡飲茶. 另外兩間茶餐廳銀都冰室 & 華富冰室都無變, 仍然屹立不倒! 華富街市亦有好多爸爸和我的回憶, 爸爸經常在燒臘店買飯盒給我,又帶著我去買餸!

瀑布灣公園是爸爸做晨運的地方, 好多時晨運後會在停車場買海鮮回家做餸. 小時候不覺得瀑布灣公園是這麼美, 今次重遊覺得非常漂亮, 難怪有好多人來拍婚紗照.

晚上去吃台灣火鍋, Blog友介紹荃灣別忘了任食火鍋. 火鍋有很多選擇;除肉類外,台式小吃, 炸物,手搖飲品 & 甜品.

自助區仲有好多款色嘅丸丸類, 勁多新鮮蔬菜 & 炸物添!

整體樣樣野都好食, 我吃了好多次麻辣鴨血, 甜品最正係有鳳梨雪花冰, 朱古力Waffle都唔錯, 可借餐飲時間有限, 不能讓食力無限! 如果加國有這類台式火鍋就好了.