每間公司都總有一個Mall姐

一套"不懂撒嬌的女人" 引發起這個話題: 每間公司都總有一個Mall姐. 這是很寫實的, 我以前以前公司有, 以前公司亦有, 到現在公司也有.  可惜這些Mall姐沒有劇中的Mall姐咁叻, 咁能幹; 他們只是拿著雞毛當令箭.  慶幸我只是接觸過一個Mall姐, 是他的直接下屬, 而其他Mall姐不是在我的部門.  但他們都擁有共同特徵:  大部份都是單身, 講野尖酸核薄, 臭皮氣, 投訴多及OT無上限.  這些人非常自我為中心, 自己永遠是對的.  明明大家叫見到隻顏色是桃紅色, 但佢就死話這隻顏色是橙色, 要大家雙眼和他一樣咁有問題.  這些人死要面子唔衰得.  叫人做文件要小心D, 但自己就唔小心到SEND錯文件去另一間公司; 自己做錯當無事, 人家做錯就當面鬧人蠢. 還有這些人是獨家村, 朋友不多,亦可能個個人都怕咗佢. 試過有個女仔像劇中的唐詩詠向Mall姐辭職, 他上司竟說:我肯定你會後悔. 怎知這女仔離職後就去了打政府工, 亦脫離他這個Mall姐上司.   這些Mall姐在公司內個個都怕咗佢, 一但他離職, 個個都燒炮杖, 唔會歡送佢, 只會歡迎佢走.

加爛

不知道其他移咗民嘅朋友會否和我一樣, 人雖住在加國, 但心仍在香港.

我是為食鬼, 經常會留意香港現在有D乜野新舖頭, 新食肆及新食品.  我們住在溫哥華已經叫幸福, 相比起其他國家, 我們有較多選擇, 有較多入口食品.  但因為我太貪吃, 有些食物真的很難在溫哥華找到, 例如日本洒.  溫哥華賣的日本洒, 選擇很少, 價錢亦不便宜.  所以若要買日本洒, 我便要開車去美國的日本超巿買. 美國賣的日本洒, 價錢合理, 選擇亦較多.

多得科技發達, 上網找食物資料;舖頭地址, 話咁快就找到.  叫香港朋友幫手買野, 連他住在香港都不知道有這些新店.  也難怪, 香港人個個都忙, 街上又超多人, 真的未必有太多時間及興趣四圍逛街.  好笑的是, 香港朋友竟在FB多謝我這個加爛好介紹.

無辦法啦! 溫哥華不是一個熱鬧城市, 很平靜亦跟不上潮流. 我只可靠朋友,BLOG友推介及網上搜尋, 才能得到這資訊. 我覺得自己越住得遠, 就越關注香港的一齊.  真的很想飛一轉香港,飲奶茶, 吃魚旦粉, 見朋友!

為食雜記 (2)

繼續吃,吃,吃!  我自問人生沒有什麼大理想, 只求身體健康, 去旅行, 吃美食, 簡簡單單, 做個開心快活人!  講是很容易, 但身邊總有些事挾持及牽絆著我, 令我不能自由自在.  不過阿Q去想, 世上大把人比自己更差, 這樣會令我好過些.
2017.03.30 - KUMARE 

來了加國這麼多年, 從來未吃過菲律賓菜.  身邊各有朋友吃過, 都說唔錯不防一試, 吃後又真的唔錯.

菲律賓菜以甜味為主.  試了矮瓜奄列, 蒜頭炒飯, KARE KARE牛尾, 素春卷 &串燒.  因我是蒜頭怪, 所以極愛蒜頭炒飯.  矮瓜奄列上枱時, 旦煎得好香, 在旁的不是普通茄汁, 是叫Banana Sauce - 混入熟香蕉和茄汁整成, 所以無咁酸.  素春卷皮很薄, 蔬菜爽脆.  KARE KARE牛尾是用花生醬加菲律賓香料煮成, 要配蝦醬來吃.  菲律賓蝦醬沒有我們中國人那麼咸, 加了令味道提升不少.
2017.04.08 - McDonald

其實老麥有什麼好寫. 那天等整車, 我一人去了吃老麥, 叫了個Angus Burger試吓, 唔好食;肉乾咁!  再和朋友傾開, 已經有兩個朋齊聲話難食.  他們建議我下次吃Grill Chicken.  我想下次最保險都是吃魚柳包吧! 吃Burger 我較為喜歡Burger King & White Spot.
2017.04.21 - Q SHI Q 






香港朋友將來溫哥華, 在網上搜尋了不少食肆.  他人未到, 等我率先幫他試菜.  這店是吃日本串燒, 相比另一間吃日本串燒 "串", 這店選擇較少, 但特色食物又比"串"多.








特色食物 : 有牛骨髓, 鮑魚,龍蝦及雞肝醬.  燒烤肉類最好是不同味道的雞丸, 牛肉不及"串" 燒烤店.







甜品都是麻麻哋, 叫了Green Tea Tiramisu 及Soybean Cheese Cake,  我這個綠茶Fans, 最期待當然Green Tea Tiramisu, 怎知非常之不合格, 像吃一個Green Tea Sponge Cake, 怎能叫Tiramisu.  相反無期望的Soybean Cheese Cake,反而沒有失望.豆味濃, OK好吃! 不過不吃也沒有損失.


2017.04.23 - DANBO RAMEN

這是好友愛去的拉麵店, 我從未去過. 當天因另一好友在拉麵店附近上班, 我們便來一個Late Lunch.  拉麵都OK唔錯.
2017.04.27 - KIMU JAPANESE SUSHI 


來這壽司店, 是因為看了一篇英文報導; 說這店會用生魚片做生日蛋糕 & Pizza.  好奇之下, 便去試試.  不過我們人數太少, 吃不到咁多, 所以便無叫這倆招牌菜.  不過真的有很多客人都有叫生魚片生日蛋糕 & Pizza.  在等位期間, 我被客人枱上的粉紅壽司吸引著. 到我們有座位時, 立即找來待應問問, 原來粉紅壽司叫Honeymoon Roll,  用Soybean Paper代替紫菜. 賣相好靚, 正可配合溫哥華的櫻花季節.其實厨師大可變化一下, 將心形壽司砌成櫻花也不錯.  另外試了火燄 Toro 壽司, 在表面上加了些醬汁, 有另一番味道. Oyster Motoyaki棄用了蠔殼, 加入了其他海鮮; 相對就可以減少蠔肉.  用膳期間, 我懷疑這壽司店可能是韓國人經營.  溫哥華近幾年多了韓國人做壽司, 他們做的壽司跟吃慣的傳統壽司很不一樣, 我覺得韓國人很着重醬汁配搭.  叫了一個小吃, 可惜食物來到時, 因為在厨房放得太耐變涼了! 不太好吃! 用豬腩肉卷菠菜, 上面用泡菜吊味.

為食雜記 (1)

爸爸已離開了超過一年了! 日常生活亦起了不少變化. 是艱苦, 但...生活仍要繼續.  你說很痛苦咩又不是, 外面大把人比我更痛苦, 我只可說見步行步吧! 爸爸帶我來這世界, 我相信他是希望我幸福快樂.  他患病時我每天都跟他說: {你開心,我就開心啦!}.  所以現在我要活得開心, 希望天上爸爸放心.  感恩的是我性格極似我爸爸, 身邊有一班朋友, 陪我渡過這艱苦期, 陪我四圍去吃東西減壓及聽我訴說煩惱, 免得我傷心又傷身. 以下便是過往幾個月來的為食雜記:
02.10.2017 - Doolami Dessert

我有一班朋友, 因大家口味相同, 又愛試新餐廳, 組成了一個揾食飯團, 每星期都會見一次面. 揾食飯團其中一成員, 飯後必要留肚去吃甜品.  那天去了這間很久沒有來的店, 撞正中國情人節,每枱都送一碟糖不甩.
02.13.2017 - The Holy Crab

The Holy Crab - 市中心新開的餐廳, 吃完後電台陸續介紹及講食評. 我的食評是以新鮮海產及秘製醬汁為主, 醬汁好惹味,但很油.  試吓亦無防!

02.18.2017 - 澳門茶餐廳

在溫哥華很難找到澳門餐廳, 以前有過, 但又摺了.  這店新開不久, 想試他的炸馬介休球, 牛尾炆得唔夠耐, 炆得唔夠入味, 葡汁焗四蔬及非洲雞也不錯.  唯獨價錢偏高, 沒有套餐包飲品, 晚上八点便關門及沒有車位. 整體食物質素算唔錯.
03.05.2017 - GUU @ Aberdeen Center

這天和Auntie去聽仙杜拉演唱會, 開Show前去了這裏醫肚.  我一向喜歡去Downtown的Guu,  所以很少光顧列治文分店. 唔同分店有唔同餐牌, 我很喜歡相中的二人組合, 份量少少,可試多幾樣食品.
03.08.2017 - DOLPAN BBQ & ICY BAR 

來這店主要是聽了一位Foodie講, 吃了大溫最好吃的豬骨煲及特別食物Volcano Egg.  怎知...

各人真的有唔同口味, 這店部隊鍋不夠辣. 燒烤肉類肉質唔錯, 每枱勻有小鮮肉待應代勞幫你燒烤, 可惜他們技術麻麻, 經常把肉燒得很乾!  至於那個Volcano Egg是我最期待, 怎知沒有蛋香只有炭味, 朋友還說應該加入了咸蛋去整.

ICY BAR 利源冰店近期成了我的吹水站. 最愛他的榴櫣甜品及台式刨冰; 還有那支任擠唔嬲的鍊奶樽.