今日去行山, 出發前先去拜訪嘉樂冰廳, 吃個厚旦治. 見隔離枱雲吞撈麵唔錯, 餐廳職員又正在包雲吞, 立即叫個試吓, 再加個雞絲通粉. 4個行山友, 夠哂能量啦!
**嘉樂冰廳的辣椒油好香, 用來食雲吞撈麵 & 雞絲通粉好正! **
食飽飽後, 開始行山啦! 一早知道公園內有猴子, 所以都特別小心.
進入賞蝶園, 真係有唔少蝴蝶
公園內風景好靚, 剛巧遇着有Model在拍照.
猴子出現了, 友人說第一隻猴子是猴王, 之後不斷也有猴子陸續出現.
有些猴子好惡, 坐在樹上這隻猴子剛從其他遊人的背包搶了袋薯片, 立即跳上樹上嘆. 之後這隻猴子想偷其他遊人的食物, 我朋友大聲叫遊人小心, 破壞了猴子的好事, 怎知這隻猴子轉向我朋友施襲, 想報仇. 好彩只是有驚無險.
落山時又遇見一群牛牛,當然亦有牛糞
行完山, 又到下午茶時間. 朋友推介九龍餐室的菠蘿包!
晚上打邊爐, 我最愛. 特別香港的廣東水餃, 墨魚丸, 魚旦,魚餃, 黑椒牛丸及炸魚皮都比加國好吃, 打邊爐就可以一次過食哂, 好滿足!
香港的猪紅真好, 細細粒, 加國的猪紅要一磚磚買, 每磚都好大.
