英，法，西班牙之旅Day 4

我們租住的Apartment 超方便, 樓下是超級市場. 所以早上起床後, 就去了對面的超級市場購物，地方雖細, 但亦有一個西班牙火腿及海鮮counter。去旅行總會掛著家鄉食品, 出發前, 朋友已叮囑我帶些公仔麵去, 雖有很多東西很好吃, 但你總會掛香港食物. 他的提議真好, 而我們真的想換換口味, 早上便煮了公仔麵做早餐. 吃過早餐後，便到市中心逛逛.  

                                          ** 知名建築師 Antoni Gaudi 作品: 波浪紋外形 - 米拉之家 **
巴塞隆拿實在有太多好玩好睇嘅地方，市中心都有唔少嘅旅遊点，

而且係非常之集中，只要你沿住蘭布拉大道 (La Rambla)，La Rambla nee條全長1.2公里嘅街道， 是巴塞隆拿最繁忙嘅一條街道，兩旁種滿了樹木，最大特色是有好多街頭藝人以名種唔同嘅造型在街上表演，佢地打扮係非常之有趣同有特色。街道上仲有好多藝術家畫畫，又有大大小小嘅商鋪，手信鋪路,花店，餐廳同埋露天咖啡室，不過我發覺大部人係鍾意飲酒多過飲咖啡。

 

 

 

                                                    ** 建築師 Antoni Gaudi 另一作品: 骷髏骨窗口 - 巴特盧之家 **

我不是第一次來巴塞隆拿, 上一次係2008年, 因為要上郵輪的關係, 所以在巴塞隆拿留了一天, 沒有太多時間去遊覽, 只是行La Rambla 這絛街道, 本想去擁有七百年歷史的La Boqueria 市場, 可惜當天市場休息, 未能參觀. 今次再來巴塞隆拿, 怎能錯過這個市場.  我好喜歡逛唔同地方的街市及超級市場, 看看人家的食物.

 La Boqueria 市場賣的東西主要分四大種類: 肉檔，香料，水果，海鮮。係市場入面你可以選擇掃街又或者坐bar枱食tapas, 坐bar枱就可以享受類似大排檔嘅風味，企係人家背脊後面等位，又可以望住人哋叫D乜野食, 等到有位時就可以跟住來叫。如果唔夠時間等位，就去掃街啦。最多人買嘅係果汁，一兩蚊歐羅就搞掂. 其次呢就係係西班牙風乾火腿, 五蚊歐羅，用紙卷成雪糕筒嘅形狀，配坦芝士，手指餅乾，方便大家，一路行一路食。仲有各類型即買即煮嘅海鮮。聖子啦，八爪魚啦，大蝦啦，感覺上西班牙D八爪魚比起加拿大嘅又軟又諗， 他們只是用檻欖油, 紅椒粉, 香料來配八爪魚, 好味到我們差不多餐餐都吃.。

 

午餐吃tapas, 不是坐吧檯，所以不是用竹簽計錢，若坐吧檯，竹簽大多是串着食物, 找數是以多少竹簽來結算 。

                            ** 西班牙人吃法, 用蕃茄和蒜頭塗在麵包上, 再放入焗爐烤脆 **
之後去了被當地人公認的著名店鋪買酒, 麵包, 芝士及火腿, 準備晚上的晚餐。選了一隻歐羅135per kg 火腿, 而我們買了200g, 大約歐羅三十幾蚊。

                                         ** 包裝成藥丸的朱古力 **

                                          ** 薯片都有黑松露和魚子醬味道 **
晚餐吃了芝士，麵包，鴨肝,還有pizza.及酥皮甜品.甜品很平，歐羅十二蚊四個，在加國一定唔得。西班牙的蝴蝶酥好大塊，成塊面咁 大，脆但無牛油香。

英，法，西班牙之旅Day 3

今日早上吃過早餐後, 在Woolton 區及到市中心逛逛.  我們住的地方，以前全是農場, 但政府要發展, 剩下的農地都唔多. 而我們住的農場, 只是用來居住, 並沒有作生產農作物之用.  雖然係咁, 市內仍保留很多古舊的建築物.

** 這房屋以前是郵政局及消防局, 現在已變成住宅 **

** 看看烟通上有幾多個小堡壘, 這帶家家家戶戶的烟通都是這樣的 **

** 這是Woolton都市的最高點, 亦是一個水庫 **

中午去Woolton 市中心吃炸魚薯條，屋主想帶我們去他經常去的炸魚店, 可惜那天店鋪休息, 唯有去一間新開的洒吧試試吧! 和朋友最夾就是喜歡吃，他們要求高到，未入座前先問侍應, 你們的炸魚是用新鮮魚柳定冰魚柳, 對方說是用新鲜的Haddock魚柳, 我們六人都叫三客Share 來吃.  英國的炸魚薯條超大分量, 魚一尺長及厚肉，薯條還粗過我隻手指, 吃完真的很回味。

剛巧同行的洒友生日，屋主整了個旦糕给他驚喜, 吃過炸魚薯條後, 便回農場屋吃蛋糕。跟著就坐車去Liverpool 機場. Liverpool 機場四處都是John Lennon, 機場名字用他的名字而起, 入口前還有隻Yellow Submarine 模型給遊人拍照, 機場內亦有擺放John Lennon及其他名人的照片.

我們乘坐的航機因為延遲，到達西班牙已是十一点。數個月前朋友在網上租了間apartment, 到達後, 大家開心到暈. 間Apartment 好靚好大好乾静，成二千呎，有二個主人房連廁所，另有二個房間及二個厠所, 我們一行八人, 夠哂住啦。

夜晚很多店鋪都關門了，剛找到一間印度人開的雜貨店, 他們都準備關門, 叫我們是亞洲人, 就做埋我們生意, 更提醒我們要小心銀包. 入夜後因未摸熟道路, 亦很難找地方吃飯, 後來只找到一間中國人開的餐廳，他是來自中國温洲，中,日,意及西班牙菜式都做。

 

** 吃了炒飯, 海鲜意粉及八爪魚, 還有一些小吃. 八爪魚超好吃, 厚肉又霖又唔靳, 同加國的好唔同, 我們差不多每天都吃.  **

英，法，西班牙之旅Day 2

今日一早吃過早餐後，去了Liverpool 的市中心，唐人街及Chester。今天我們沒有車，只是坐Merseyrail Rail, 只是五磅就係全日票。

Liverpool 市中心有很多咖啡店，主要是意大利咖啡店，Starbucks 店舖不多。還有在商店大道上，竟然放了二張乒乓波抬。

** 這店的玻璃窗是凹凸玫瑰花圖案 **

 至於 Chester 這小鎮好特別，很多建築物由木條建成。雖然有很多商店在小鎮內，他們亦保留原有的建築物。

 

午餐亦在Chester市中心吃，我們行街時，看見厨窗放了燒得好靚的火雞，豬肉及牛肉，而店舖名稱叫The York Roast Co, 用了大個豬頭做照牌，心想吃燒猪肉包應該無問題。我們叫了一豬一牛，燒牛肉包比較乾身，而豬肉包就一般，因我不習慣用蘋果醬配豬肉包，但同行的朋友就覺得幾好。

之後又行了Mark & Spencer, 超開心行這店。以前温哥大華都有M & S, 十多年前已结束了。每次回港，我都帶些Ginger Snap 回加國，今次當然也不例外。除了薑餅外，還有很多特別味道的薯片，有燒牛肉，蜜糖火腿，薄荷羊肉。曲奇餅亦有很多選擇，當把人還告訴我開心果杏仁曲奇是最好吃的。

 ** 紀念皇室小公主誕生的曲奇餅特別版 **
回程去了Albert Dock, 那裡以前是碼頭，現在已全部變了商店及餐聽.

 ** Liverpool 二隻鳥的地標 **

那裡還有一間The Beatles Shop, 讓人購買紀念品，由郵票，熊公仔，水杯，T shirt同唱片都有, 價錢當然唔平。Beatles shop 下面還有一間cafe, 都是披頭四的主題咖啡室。

 

 逛了一整天街後，晚上回農場屋吃晚餐，準備執野，因明天我們就去西班牙啦。回家途中，在車上見到隻狐狸正在過馬路，他還走入我們住的農場，他顔色啡帶红色，瘦但很可爱，可惜攞唔切相機出來影相。屋主說在英國經常見到狐狸，但就看不到我們加拿大浣熊的出現。