2024.05.04 Day 10B 香港遊 - 深水埗午餐, 舊唱片鋪 & 西環晚飯

下午轉場去深水埗, 目的是要去漢發. 幾次回港都未有抽時間去, 想試豬潤麵及西多士.已經過了午餐時間,還是有很多人在門前排隊.

以前食豬潤麵一定想起維記,因為2018年曾蔭權初任特首，曾到深水埗巡區，更「貼地」光顧平民麵檔"維記",惹來更多遊客慕名而來!維記很多年前吃過,所以想試下漢發麵家.

Honey叫了招牌豬潤麵, 我叫豬手米.我倆都認同豬潤麵湯底非常好, 有重薑味及酒香.厚切豬潤口感一流，也很爽脆.很多人食豬扒,但我覺得豬手更出色. 豬手好香南乳味,夠林夠入味唔會甩皮甩骨,豬手皮好爽彈!

雲朵西多士如它的名字一樣, 混合梳乎厘做法, 令西多士變得鬆軟,值得一試.

已叫了西多士,但太多野想吃,忍唔著又叫個炸鯪魚球..招牌炸鯪魚球,炸到金黄色,圓碌碌脹卜卜,非常彈牙!鯪魚味十足更無腥味,配碟蜆介,正!

見隔離厚切午餐肉豬扒撈麵賣相好靚, 有一大堆蔥係上面,打卡一流,立即問問可否借來拍照?

之後在附近行吓!唱片鋪真的買少見少.在這店鋪可以尋到寶.有很多舊唱片,限量,絕版,唱片贈品,特別包裝都能令你留下來,彷彿讓你返回唱片業最頂端時代

店內不停地播放音樂,如不趕時間,有些顧客坐下來細心欣賞.

原來這唱片當年是有出過砌圖的.

晚上和一班中學同學吃飯,我要求去楚撚記大排檔,因為曾經有同學仔話好食!

一早已聽聞楚撚記有好多顧客, 好彩訂咗位!

未飲過咁大杯Hoegarden, 在溫哥華好少會咁大杯!

同學仔介紹多款小菜, 包括原隻脆皮炸豬手,菠蘿拔絲咕嚕肉,香煎黑松露手打蓮藕墨魚餅,蝦醬肉排

另外,我們加了薯仔牛柳粒, 飛天通菜煲, 沙爹牛肉, 炸大腸.脆皮炸豬手脆得黎又唔會乾身,唔會過份油膩.飛天通菜煲和黑椒薯仔牛柳粒真係好夠鑊氣.蝦醬肉排缺乏蝦醬味.最好吃是香煎黑松露手打蓮藕墨魚餅,煎得很香口,爽口又彈牙,加上黑松露香,好食到Encore多碟. 其他菜式都中規中矩.

2024.05.04 Day 10A 香港遊 - 啟德 Airside Mall

未回港前已鎖定回來要去 Airside Mall行下. 知道這是一個新商場, 未出發前, 先去大家樂醫肚, 吃我最喜歡的銀針粉.

當天下大雨, 早上是紅雨警告, 後轉黃雨警告,不過都無損我們的心情.

AIRSIDE Mall 有全港首設於購物商場內的室內大型衝浪場,二樓設有空中農莊種植50多種農作物, 六樓更有空中花園,可讓顧客漫步於綠化空間, 欣賞熱帶植物與不同種類花卉.

另外AIRSIDE作為寵物友善商場, 除了商場有為寵物而設的商店, 亦提供專業寵物美容護理服務.此外，這商場有一個寵物共融區域，讓毛孩與主人體驗主寵共融的快樂時光.當天我在商場內看到好多狗狗.

很多商鋪都好有風格

原來 Hello Kitty 已經有 50年歷史

連金牌都有

GATE33藝文館剛巧正在做《愛你一萬字》藝文展覽,這展覽邀請了十個不同的創作單位，走進土瓜灣、九龍城、新蒲崗和黃大仙四個啟德鄰近的社區，發掘文字與人的關係，創作了多組大型中文文字藝術裝置.

展覽當中包括受土瓜灣醫館招牌啟發的香港首個「文字無限鏡房」、向新蒲崗工業歷史致敬的「文字」傢俬、收集九龍城聲音和文字的沉浸式互動影像作品等等，以有趣的手法展示社區的活力和故事。

武獅頭擺放在商場內, 吸引不少人打卡!

2024.05.03 Day 9B 香港遊 - 西貢Coffee Shop & 煮家飯

住在香港多年, 從未去過西貢. 記得2015年, 親戚車過我和父母去, 當時只行過下海鮮街, 沒有真真正正深度遊.

今次想優閒地‧、四周圍逛吓, 睇吓小店舖, 揾間 Coffee Shop Chill 吓, 及影吓相.

西貢有好多Coffee Shop,沒有真正數過,我猜至少有超過15家店,每間外牆都好吸引,室內設計亦好有特色.

咖啡店有些賣文青舒適Feel,有些主打日式輕食,法式甜品,亦有些以港式麵包為主!

最後我們選了一家Little Cove Expresso 咖啡店, Google Search分數頗高, 有4.3分

Little Cove 以麵包店為主的西式店，店鋪主打French Toast、French Toast、Pulled pork benedict等等。店內樓底高加上簡約嘅裝修白色調爲主，感覺幾舒服!

記得看電視節目"豪遊咖啡"時, 介紹過有杯咖啡叫 DIRTY, 在溫哥華不是太流行, 所以想在港試試.

詢問服務員 Dirty 和 Latte有什麼分別? 服務員對咖啡都好有知識,解釋十分清楚.服務員提醒我們飲 Dirty是要享受層次感, 杯Dirty好好飲, 我和朋友是第一次飲, 我們都非常滿意!

另外叫了 Beef Ragu Pappardelle 及 Pulled Pork Breakfast Bowl.扁麵醬汁偏酸，牛肉軟淋，味道正常.

Breakfast Bowl有牛油果，炒蛋，火箭菜、番薯條，Pulled Pork.當天想試 French Toast, 但我們已經吃飽了. 回加國後發覺有很多好評關於這個西多士, 更被稱為香港世一French Toast.原來西多士即叫即做，兩塊煎香的西多士加上開心果碎&玫瑰花辮,配淡淡芝士及蜂蜜.

吃飽後走入橫街四處逛逛, 又有好多食肆.記得這車仔麵在西貢好像幾有名, 甜品應該都唔錯,專門做杏仁茶. 我好喜歡西貢這個地方,平常日來好優閒好舒服 .

晚上回親戚家吃煮家飯,有魚有海鮮又有湯飲, 好窩心!

碰巧通菜當造, 正到無朋友!