2024.05.11 Day 17C 香港遊 - 胡歌題字的隱世餐廳 (悅知味中泰越風味融合菜)

晚上有朋友帶我們去吃泰國菜,是一間隱世餐廳,位置在大窩口嘅半山.

門口有胡歌題字, 聞說餐廳老板是一位影視製作人

餐房非常寬敞, 環境明亮舒適.

食泰國野怎少得泰式柚子沙律,柚子好甜好多汁,撈埋配菜,腰果, 乾葱片一齊食, 每啖都好fresh好夾.

多人一齊食飯可以食多D食物, 泰式雜錦小食拼盤:有蝦餅,魚餅,春卷,肥香腸, 雞泡魚乾同蝦片.蝦餅魚餅夠彈牙,魚餅仲加入紅咖哩和香葉去增添味道.春卷和香腸就正正常常.最估唔到竟然有雞泡魚乾, 這個拼盤真是包羅萬有, 可以慢慢品嚐，正呀!

燒豬頸肉, 醬汁非常惹味

椰子雞湯夠味好香濃！ 有椰奶嘅香,香茅嘅甜同埋雞肉嘅鮮嫩，仲有雞脾菇.

黃咖喱大蝦配蒜蓉包,蒜蓉包蘸咖哩汁, 簡直是無敵.吃這咖哩汁要克制住自己,很容易吃得過量蒜蓉包.

斑蘭烤雞

鹽焗香茅烏頭

泰式炒雜菜,清清地幾好

菠蘿炒飯,炒飯有好多配料 -蝦、雞肉、腰果、提子乾、肉鬆同菠蘿, 炒得幾香

值得一提這裡的泰式凍鴛鴦好好飲,有泰茶香又有咖啡味,夾得好好又唔太甜,好飲到已忘了拍照.