英，法，西班牙之旅Day 5A

今日一早就去了巴塞隆拿著名地標: 聖家教堂 (Sagrada Familia) 一知道去西班牙的巴塞隆拿, 我們當中的團友, 已在網上訂購門票及預約時間, 方便大家不用排太耐隊.  上次來巴塞隆拿, 因没有太多時間, 未能去教堂參觀, 今次留這地方四日, 真係要玩番同食當夠本呀. 

Nee一 間由1882年已經開始興建嘅教堂，到建築師高第離世時，教堂只完成了小部份，後來又因為資金不足及 西班牙內戰，令到教堂要暫停施工。直到1950年教堂又開始復工，由於nee間教堂係高第獨一無二嘅傑作，擁有現代主義及嶄新藝術風格，後人要跟據高第嘅 藍圖繼續興建，預計要多三十年先至會完成工程。

                                                       ** 建築地盤 **

建築師高第 是一個心思细物的人，教堂內好多色彩亦有好多雕刻。以大自然花草樹木來裝飾教堂嘅內部，人物彫刻線條好硬朗，再配合好多種顏色嘅玻璃，比你有一種新鮮感及與別不同嘅感覺。除此之外，這間教堂係有電梯比你直達教堂上嘅嗒頂，你可以目睹巴塞隆拿嘅全景。

 

                                                **   充滿色彩鐵門上的雕刻, 非常細緻  **
 

                                             **  從教堂頂樓望到正在起建教堂的另一部份  **