英，法，西班牙之旅Day 18

這天是我整個行程最亮点的一天，因為我去了白金漢宮見英女王呀。之前一直說去了兩次白金漢宮，因旁邊的Green Park連續兩日都進行跑步比賽，導致Change of Guard的活動因而取消。但我只留倫敦四日，第三日全日跟團，第四日只留倫敦半日，根本沒有多餘時間再嚟啦。

正當有少少失望嘅同時，皇天不負有心人，個天就送咗份大禮比我啦。倫敦嘅第三日因為跟團嘅關係，導遊話比我哋知，如果有時間的話，明天就要去白金漢宮。因為早上十点九，英女皇會由白金漢宮出去國會，講一年一次嘅施政報告。雖然仲剩半日留係倫敦，但時間夾得剛剛好，白金漢宮離我酒店唔遠，好彩又比我企到個第一行靚位，可以近距離咁望到英女王，仲有查理斯王子㖭。但係除咗英女王之外，我最想見係Prince William , Kate 同兩個小寶貝。不過見到英女王我已經好開心啦。因為一直都無諗過有時間反轉頭睇Change of Guard, 現在唔單止睇到Change of Guard，係比睇Change of Guard更隆重。因為掛著睇, 沒有拍照,但Honey就拍了Video.

英女王離開皇宮，儀式梗係大陣像過衛兵換班。有騎兵，警察，樂隊同埋御林軍，個個嘅制服都整整齊齊，而馬匹亦挑選個。首先有馬車同專人運送英女王着果件袍同戴果個皇冠，跟着係查理王子坐另一架馬車出嚟，最後就到英女王。我一生人真係無諗過會親眼見到英女王，可以話係我生命入面，留下精彩的一頁。

 

見完英女王，立即飛奔返酒店，準備坐車返Liverpool的農場屋啦。屋主非常有心，因知道我想找機會外出，去品嚐英式下午茶，所以他一早已焗定餅沖好茶，待我到步後可享用。可惜那天火車因機械故障, 令我們到達原來由下午三點變為五點, 白白在火車上坐多兩小時.我們好彩勝在人多, 在火車上傾吓計, 玩吓牌, 時間過得快D.

                                ** 屋主本想把食物放在三層碟上, 但找極都找不到放了在那裡 **

 

                                                      ** Homemade Yorkshire Pudding **

                                ** 來了英國後, 最愛吃豆, 全都很甜後爽脆, 沒有草腥味, 正!  **

到達Liverpool後, 立即品嚐屋主為我而設的下午荼. 接着沖過涼, Hea 吓, 又到晚餐時間, 亦是屋主的熱情款待, 飲吓酒,傾吓計, 咁又過了一日.  明天去Manchester 同吃印度自助餐, 後天便要回温哥華了.