2025 - 2026 TA TA 出遊 - 蓮塘篇 17

朋友知道我們會去蓮塘, 便推薦這店的黃鱔飯,我們一於去試試.

白切雞 - 普通

菜心 - 甜

黃鱔飯 - 黃鱔再肥美D, 會更好吃

又有 Youtuber 介紹這間素食自助餐,我倆都好有興趣

$30 幾人仔,食物種類極多,無可能試哂所有食物

有冷盤, 餸菜, 炸串, 燒烤, 腸粉, 沙律, 素湯, 麻辣燙, Pizza,炒粉,飯,麵 糖水 甜點

以這個價位, 食物質素無真的唔錯

除有很多港人幫襯外, 一樣有很多蓮塘居民光顧

2025 - 2026 TA TA 出遊 - 蓮塘篇 16

這次回港除上深圳外, 便經常去蓮塘飲飲食食. 第一間是招福潮汕大排檔, 隨意找但味道幾好.

有生醃海鮮, 不太敢吃

最欣賞這個沙窩蝦粥

粥內有滿滿的鮮蝦,蝦膏及干貝,所以粥非常鮮甜

芥蘭爽脆

唔少得梗係有鹵水鵝

有天想試吓腸粉,就找了這店舖

店內只有一個人管理, 烹煮,落單, 執拾都是他一人

腸粉和粥品普普通通

原來這裡的腸粉無論是牛肉或鮮蝦,一碟兩條腸粉只有一條是有餡,另一條腸粉是包著蔬菜

第一次在這裡是買韮菜餅,新鮮熱辣辣,又平又好食! 第二次買蔥油餅,雖然不是剛剛做好,但仍然保持香脆, 一樣咁好食!

經過武大郎這店舖幾次,都有人們排長隊. 決定要來試試!

要自己手寫落單,枱上已放滿很多訂單

由於燒餅是即叫即做,所以起碼要等20分鐘

華富邨 - 華富一號

近日聽到這首歌, 有很多感受, 亦有很多回憶! "" 有些朋友會很介意住公屋, 但我沒有這個想法.以前住屋邨, 鄰里關係好好. 借鹽借豉油,幫手睇細路及買餸等是小事. 個個小朋友出走廊玩, 跳橡筋繩, 滑板, 煲蠟, 紅綠燈, 玩到夠鐘食飯便返屋企. 唯一住屋邨就無乜私隱, 隔離鬧交打仔你會知, 對面煮乜餸你會聞到, 打斜單位睇緊邊套電視劇, 隔空你會聽到.不過總括來說是開心的.

爸爸以前在屋邨是一名中醫. 還記得我們移民前,街坊街里在街上碰見爸爸,總會問候吓, 有些街坊在談話中唔多唔少流露了一些不捨.即將拆卸的華富邨, 我也不捨.這裡有我很多的童年回憶. 細個時經常和爸爸去華富酒樓飲茶, 周末早上和爸爸落瀑布灣公園停車場內買海鮮, 生日時爸爸帶我去邨口大大公司內吃鐵板餐, 讀中學時和同學仔一齊坐巴士返學放學, 這些快樂時光雖隨著時間慢慢流逝, 但回憶永遠留在我腦海中.《再見UFO》記錄了一個即將消失的舊公共屋邨, 將來的重建會抹掉現有的痕跡.

2020 年一套電視劇 "香港愛情故事", 鏡頭下把華富邨拍得很美. 如今歌曲 "華富一號" 是向華富邨說聲告別嗎? 歌詞內 "往日屋邨一切記得嗎?歡笑與喧嘩" 及 "瞬間消散最使人念掛"最觸動我心靈. 另一歌詞 "奇怪事你見過嗎?不明事件真的嗎?" 住華富邨時最多人講係猛鬼和UFO, 而我甚麼都無見過.