隨心買的手信

話說上次去箱根時, Honey 在箱根湯本站跌了條 USB. 雖然不是很重要,但他也盡力去搜尋. 在車站搵過, 又在旅客中心問過, 都無消息. 本身打定輸數的我們,趁離開湯本站時, 再問多次 Lost & Found.皇天不負有心人, 那種失而復得的感覺,真的難以形容! 本身在箱根湯本站已有東西想買, 諗著還有很多天留在日本, 便打消了念頭. 難得搵番條 USB, 乘機賀吓佢啦! 鎖定目標係海膽醬油 & 梅子果占.現在想起來, 好彩老遠帶他們回來, 除地區限定外, 兩款產品都好好味. 特別是梅子果占, 果占口味有很多, 梅子口味第一次見,

我特別愛梅子產品,梅子雪糕 梅酒 梅糖等等. 梅子果占用來配牛油及 Bagel,酸酸甜甜, 正!

Too Good To Go 唔好徙系列 # 3

都有一段時間無買 Too Good To Go, 看看有什麼東西買?咁啱還沒買麵包做早餐, 咖啡店有 Surprise Bag,立即買來試吓!

以 CAD$ 6.99 價格有一份吞拿魚三明治,一份早餐 Bagel,一片Chocolate Pecan Cake 及一塊Cookie, 足夠我們兩天的早餐, 不浪費又可慳錢!

Too Good To Go 唔好徙系列 # 2

又在App中尋找有沒有唔好徙食物,見有一間想試的腸粉店,又落單試吓!CAD $7.99 Surprise Bag 内有齋腸粉一碟和十幾粒咖哩魚蛋.

上網站查看正價, 大概要 CAD $20-24. Cad $7.99這個價錢幾好呀,不浪費,又能用一個優惠試吓新店.最後果十幾粒咖哩魚蛋,加了個蘿蔔和幾粒豬肉丸,就變成另一味餸!

Too Good To Go 唔好徙系列 # 1

早排有朋友推薦一個應用程式,可以用一個優惠價格購買當天麵包店,餐廳 & 超市餘下仍然新鮮和好的食物.Too Good To Go 是一家具有社會影響力的公司，其使命是激勵並賦予每個人共同對抗食物浪費的能力。根據世界自然基金會 (WWF) (2021) 的數據，全球生產的食物中有 40% 被浪費了。這意味著每年有25億噸食物被浪費。這相當於全世界每秒有 8 萬公斤食物被浪費。

見網路上有人買Pizza, 又有人買到整個生日蛋糕. 我即管試安裝個 Apps,看看有什麼店鋪參與?怎知一打開個 App, 就有一間我想試的餅店,咁就立即購買囉!買的是一個 Suprise Bag,類似福袋盲盒咁,有什麼就睇 彩數啦!去取盲盒果一刻, 只感覺到個盒很重.

回家打開一看,原來有兩個牛角麵包(黑,白巧克力味及白巧克力覆盆子味)加三個馬卡龍, 雖然有兩個馬卡龍形狀不太好,但我不介意,好吃便是了! 在餅店網站查看正價, 大概要 CAD $22-24, 現在這個驚喜盒只賣CAD $5.99,可以免遭浪費,保護好食物又可以給我試吓新的餅店,更加可以幫我省錢!

Happy Crocs, Happy Meal

加國麥記早排Happy Meal送迷你鱷魚鞋鎖匙扣,總共有10款, 雖然我不是Crocs Fans,不過都貪得意買來玩吓!

我沒有儲足十個, 只是隨綠及靠朋友留下來給我.以上兩隻鱷魚鞋是一開始推出時買.剛推出頭幾天, 間間麥記都擠滿人,個個都揾未儲到的款式,有些媽媽幫仔女問,亦有些是自己儲

有人建議直頭掛落對鞋到

以下的鱷魚鞋是朋友留下來給我

正當大家儲得七七八八時,這熱潮好快又過去了!

非一般杯麵

在加國都是第一次見，咁啱有減價，仲要剩番一兩個。立即買個試吓先! 不知道大家是否和我一樣, 都是海胆Fans?

海胆杯麵真的和其他杯麵有些唔同: 一是香濃忌廉海胆湯底, 二是比一般杯麵需時較長,要等五分鐘. 三是價錢貴, 但值! 湯庇真係幾好味，配爽彈麵條,可以掛湯, 非常好吃! 後悔只買了一個, 想再買都無貨了.

溫哥華零下 20度

住在溫哥華多年, 很少會凍到咁! 過去我們試過零下10度, 從來沒有見過這數字.

這個北極寒流來得快, 凍得快呀，零下14.5度，體感有成零下20度，決定在返工途中, 去買杯咖啡暖吓。

大平蟹

近期温哥華大蟹真係平，上星期賣$5.98一磅巳心動想買，怎知這星期仲平，賣$4.98一磅，唔買真係對唔住自己.

買了兩隻都不用$20, 一隻做凍蟹留第二日食，另一隻做黑胡椒炒蟹加米粉底，飛唔到去新加坡食，唯有自己整頂住癮先，再加多個蜜糖陳醋凍蕃茄同蒜蓉白菜仔，開餐!

Doraemon x 村上隆 T Shirt

May 24, 2018 Doraemon x 村上隆 T Shirt 在溫哥華開售, 每人限買兩件.售貨員說一開售, 頭個半鐘已賣哂, 真誇張!  剩下只有黑色叮鈴無人要.  加幣連稅差不多港幣$130, 更加唔梗定會否再來貨掃.    

後來發現香港比溫哥華遲一天開售, 仲要賣$99.  Honey身在香港, 立即叫佢幫手買.  Honey 話香港大把貨,   無限制買幾多件及任揀唔嬲.    其實我也不是Fans，只是見cross over 及幾得意, 所以揍吓熱鬧.

這T Shirt只 有男裝及童裝, 不過Honey 話買這T Shirt 大部份都是女性.

Honey 話

日本風筒

早半年至一年前, 個個人去日本, 都話要買個風筒返嚟.  我一路都唔知点解, 亦沒有興趣買.  後來我家的風筒開始有問题, 咁啱又有朋友去日本, 那就拜託他幫我買一個回來吧!

起初我倆都銷定Panasonic這個品牌, 怎知朋友去到日本, 發現只有最新的型号才是日本製, 但電壓只限日本國內.  若選擇電壓可在海外及日本國內用, 產品已由日本製變成泰國製.  但無理由一心來到日本買東西, 不買日本製的.  不知真定假, 聽朋友說日本很多產品, 出第一批貨是日本製, 但有些產品出第二批貨時, 是有機會去了其他國家生產.


最後我的精明朋友, 放棄了Panasonic這個品牌, 選了另一品牌TESCOM.  TESCOM是日本製, 電壓亦可在海外及日本國內用, 價錢亦比Panasonic平少少.


回來試用後, 發覺日本風筒吹完頭髪後, 頭髪沒有蓬鬆感覺, 非常貼服.  用熱風吹頭, 不會燙手, 所以不會傷髪質, 相反吹完頭髪後, 頭髪變得很順滑.  看過其他blogger的用後感, 評價都是一樣.

大豐收

Honey剛工幹回來，為我帶來不少禮物和手信。有些是好友及親戚托他带回來，有些是Honey在淘宝網淘回來的，更加有些是在我的Shopping List 內。我要買的東西永遠都離不開三個字，就是吃，吃，吃啦。仲有l最新的香港八掛雜誌及唱片。
在不同的網誌上，有好多人說玫瑰花旦糕甜品達人Tony Wong 又有新產品推出，是不同味道的旦卷和金菠蘿酥。唔理好吃与否，有人肯買回來比我食就得啦。還買了帝苑酒店內Fine Food的原味及芝麻味蝴蝶酥，網上有些評價說是全港最好吃的，我想不是謝寧的最好吃嗎。各人有不同口味，待我吃後再和大家分享吧! : )

十一月的星巴克

一踏入十一月，星巴克急急換上新裝，除紙杯由白色換上紅色外，還推出幾款聖誕特飲，店內更放滿了唔同價錢的聖誕禮物。總之當你踏入店內，看見唔同颜色，唔同設計及唔同容量，的咖啡杯，就给人有一種耀眼繽分的感覺。今年星巴克推出了一張纯銀的咖啡咭，包裝精美，發售價$200但有$50回贈用來飲咖啡。

今年的聖誕特飲還潻加了粟子味道咖啡。幾年前在香港機場內的illy coffee曾經見過，但因時間關係，無缘試試他們手勢。今年眼見Starbucks有粟子味道，立即買來試試。

這麽多的咖啡杯，我自己亦買了一對espresso杯。這杯子推出只不過三日，但有些款已經賣得七七八八，剩下的唔多。我要走去其他舖頭才可拼埋一對。

愛上貓頭鷹

由2012開始，不知什麽原因，竟愛上了可愛的貓頭鷹。無論是T裇，杯子甚至乎飾物，總之我覺得他們可愛而價錢又合理，我都不會放過他們。很多朋友都知我近期的喜愛，見到一些同貓頭鷹有關的產品都會拍照给我看，甚至乎會買下來送给我。早排行Target, 發現有對貓頭鷹盬及胡椒樽，$4一個，已心旭旭想買下來，但心想家有這些樽多的是，所以便閣置了。怎知相隔個半月，價錢竟然由$4減到$1.19一隻，我真的找不到其他理由不把它們買下來，最後連埋税$2.7都唔駛，把它們收養了。

怎知三日後再行Target, 貨無乜剩, 竞然仲要加番$4隻, 好彩入多咗對! : )