英，法，西班牙之旅Day 19 ( 旅程 完结)

今日是這個旅程的最後一天, 明天早上就搭機回温哥華啦.所以今早吃完屋主為我們準備的英式傳统早餐, 就去了曼徹斯特啦。我好開心可以吃個英式傳统早餐, 屋主對我們非常熱情. 我唔係足球迷，所以我係冇去拜訪球會，只係去咗佢地嘅唐人街同市中心逛逛，起碼都叫做踏足過nee一個總人口係英国排第二嘅城市呀曼徹斯特啦。至於排第一嘅, 就係倫敦啦。

曼徹斯特嘅唐人街，相比倫敦就冷清得多，二係街就已經行完。佢哋都有茶樓，但就無早茶飲，不過都有優惠，茶市係由中午到五点，点心有D仲係半價㖭。除此之外，亦都有华人麵包鋪同超市等等。

係唐人街嘅超市，無意中比我哋發現有歐州做，五香鴨味道嘅一丁鴨，大家都話要試吓歐州做嘅一丁麵有乜野分列，我就覺得分別唔大，只係未食過五香鴨味嘅一丁麵啫。味道係点呢，有D似燒鴨味。

去完曼徹斯特嘅唐人街之後，就去理佢吔嘅市中心。同一般嘅市中心一樣，都係商鋪林立，比你四圍shopping.

 我又去咗Mark & Spencer, 最鐘意係佢哋餅乾同理薯片，薯片嘅味道多到呢你係估唔到，有薄荷羊肉著片，燒牛肉，蜜糖火腿，小龍虾同理蘋果酒豬柳等等。

百貨公司入面增設餐廳，餐廳大到佔咗半層樓，價錢唔貴仲要不停出新鮮旦糕同埋麵包，個個人坐係到嘆茶同咖啡，都唔知幾享受。

  
係曼徹斯特，晚上去咗食印度自助餐，應該都係好正宗，有好多印度人幫襯， 加上餐廳設於會堂內, 有很多印度人在這裡擺婚宴的.咖喱款式起碼成超過三十種，分大中小辣之外，分濕同乾咖哩，又有唔同香料嘅咖哩，多種選擇起初令我好開心，後尾發現有很多煎炸食物,食完都係得個辣字，不過都叫做見識過。

 

 

                              ** 這個香料羊肉飯, 超好吃, 所以 我Encore 咗兩次 **

** 齋睇都覺得甜到漏的甜品 ** 

 

 

 我嘅歐州之旅，拜訪咗五個地方，倫敦，利物蒲，曼徹斯特，巴塞隆拿同埋巴黎，每處都有美好 嘅回憶，但旅行總有遺憾，係倫敦因為撞正公眾假期，無機会去佢哋嘅市場Borough Market同埋去到佢哋另一個旅遊点Cadem town,因為太晏去嘅關係，無绿睇吓英国設計師嘅手作，好似一D既T Shirt同埋擺設咁，唯有揾個藉口，下次再返黎英国啦。

係法國呢，保安理由，每個旅遊点都派兵註守，係安全嘅但同時都係令人緊張起來。巴黎四周圍都充滿著浪漫氣氛，D人著衫又靚，但係一遠離所有嘅旅遊点，街道就真係幾污漕。四周圍都有狗屎,每日都要避, 唉! 不過唔望個地, 又真係幾浪漫嘅.

西班牙，我覺得鐘意食野嘅朋友一定要去。海鮮新鮮，Tapas細細碟，可以試多幾款，而且價錢又唔貴。D人又熱情，绝对係一個充滿活力嘅城市。

我整個歐州之旅係好開心嘅，有好多嘅第一次， 好難得夾啱時間同一大班人去旅行，第一次住過百年歷史嘅農場屋，第一次幫襯超過八十六年歷史嘅西班牙大排檔。

旅行永遠係攰過返工，不過你可以忘記平時嘅煩腦，放鬆心情去吸收其他地方嘅文化，幾攰都無所謂啦。這就是旅行的意義, 唔知你又同唔同意啦?