冰球賽

自2010冬季奥運會後，我開始有興趣冰球。作為一個加拿大人，我想我都應該支持一下我國的運動。我雖不是超級Fan，亦不會看每場賽事，但身邊若有朋友仔邀請我看，我亦不會拒絕。始終看球賽，一班人柴娃娃才高興。

上星期因為幫襯某公司推出的新產品，隔了數天竟快遞兩張Cancucks門票給我去觀賞球賽,令我有点興奮。一，我知道門票唔平，我未必會願意花錢去睇。二，來了加國這麼多年，亦未真正到現場看過球賽，正好有機會比我來感受一下氣氛。

門票上寫第八行，我和Honey本以為坐得好近。我倆真是大鄉里，原本第八行是某一個section的第八行。雖不是坐到上去山頂，但票價都要$155，若山下的位置，我想起碼要$500到。

門票雖貴，但入座率有八成以上，加拿大人真捨得花費，很多是一家四口去看球賽，還有未算當晚的小吃，汽水及晚餐，我想一家四口的最低消費都要數百元以上。不過一家人去看球賽，又真係非常開心的。特別是我兩旁的小朋友，成晚叫著“Go Cancucks Go”,又真係好得意。現場看球賽同在電視前面看，感受好大分別。你可以好清楚追著個puck睇,另外又可以感受到球員的重大撞擊力。