2019.05.27 香港, 日本 & 深圳遊 DAY 7B

去完中華街便回酒店收搭行李去機場,  途中入7仔整番杯抹茶甜品嘆嘆!


旅行社今次幫我們訂的3星酒店, 有不少設施. 酒店最低層有一個大浴場 , 可作公眾及私人用途.  只要在指定時間填上姓名, 就可以霸成個浴場一小時私人享用, 完全免費.  另外每日3點後, 酒店供應即磨咖啡及冰麥茶, 晚上10點後, 又有多款免費茶漬飯作消夜. 可惜我們每天都出外, 未能享用.  我發覺這酒店很少外來旅客, 大部份住客是日本人.

機場的花展巳經由我剛到步的紫藤花裝飾轉了綉球花裝飾.


上次因為晨早抵達機場, 所有商店都未開門, 臨離開日本前, 梗係要逛逛啦!

順便吃多一餐才返香港.

來了幾次日本都無機會吃沾麵, 難得有緣遇上, 一於叫個來試吓.

Honey 一路都找不到理想的拉麵, 他不愛一蘭, 又不愛粗拉麵, 這碗算是啱佢心意

另外又叫了炸雞及餃子, 樣樣野都唔錯.吃飽飽便入閘, 入閘後仲有好多商店行.

ANA的飛機餐真的很用心, 早餐內的班戟只有牛油, 那糖漿去了那裡? 


原來糖漿巳隱藏在班戟中間內, 免得乘客食班戟時, 把糖漿弄到一手都係, 超貼心的服務！