香港 & 新加坡遊 DAY 10 APR 28, 2018 (中學周年晩會)

一早起來, Honey 說要去大埔, 當然去埋大埔街市熟食中心,  幫襯了鴻發牛什魚蛋專家&平記麵家.  我們最愛來這地方,   因為有好多店舖,  可去隔離舖買点心或西多慢慢嘆!

鴻發牛什麵, 仍保持水準

平記麵家的雲吞好吃,麵就麻麻, 唔夠爽

因留港時間唔多, 所以不斷約朋友見面, 來過短聚下午茶.


接著就是出席晚上的中學聚會, 途經一間小食店, 同學說肚餓, 買了鱼旦開心 Share. 老板說他賣的鱼旦是陳皮鱼旦, 但我食不出有陳皮味

我好開心及好珍惜出席今次的中學聚會.  自移民後, 中學同學各自有小聚會, 我都未能出席.  今年有同學齊集所有老師, 叫哂同屈畢業同學,搞一個大聚會.  我好希望能夠參與.  一來下年未必再會有同學願意搞,  二來有同學專程從外國回來出席; 三來我想跟同學見吓面. 

** 已忘記我們曾經有校歌, 亦忘記点唱. 聚會送給同學 一些小禮物留為後紀念  **       

** 有同學仍保留當年的校呔**

香港 & 新加坡遊 DAY 9B APR 27, 2018 (極尚大喜屋)

未回港前, 朋友巳約定去大喜屋,  他之前去旺角分店,  覺得抵食兼好食!  所以一定要帶我去. 今次揀了去尖沙咀極尚大喜屋.  幾年前經過尖沙咀,已知此店, 因門口經常有人大排長龍.

相比加國的日本放題, 香港的真係有好多食品選擇.  人中仲要啤酒, 清酒,梅酒,雞尾酒任飲.  雖不是靚酒貨式,  以這價錢, 亦不可太苛求.

先吃沙律及前菜: 黑松露帶子沙律, 柚子鮮蝦沙律, 海葡萄沙律及泰式鳳爪,  然後生魚片







小吃有北海燒帆立貝, 芝麻雞翼, 炸芝士年糕，炸鮮奶條 & 炸貓山王球

仲有蜆粥



咖哩炒蟹及酸菜魚, 試過就夠,下次可留位置吃其他食物.

芝士蟹棒這壽司及鵝肝牛肉壽司很好味, 再Encore 多次. 最後是甜品時間,但巳忘了影相, 甜品有多款旦糕,牛奶布甸,  芝士蛋糕, Tiramisu, 雪條 &雪糕.

香港 & 新加坡遊 DAY 9A APR 27, 2018 (旺角食,食,食)

來港多天, 很想吃粥.  找了商場附近的靠得住試吓.  搭枱的食客見我們影相又讚好食, 忍不住跟我說是好食但就細碗D,  因我為食, 所以細碗相反比我留肚食其他野‧ 又是回加國後, 才知靠得住的雲吞也很好吃.

吃飽飽後, 要去旺角辦事, 又要去睇手機同旅行社, 想同Honey去三日兩夜旅行, 撞正五一黄金周, 都怕機票會貴.

Honey 每次回港, 一定要來旺角, 要去通記吃魚旦麵, 這是他的情意結, 有童年回憶.

而我的情意結, 就是各間快餐店. 童年回憶有大家樂的咖哩角.

剛巧今年是大家樂50周年, 改用了紀念杯做宣傳, 立即拍下照片做個紀念.

廣告的吸引力真係好大, Ｄ海報影食物影得好靚, 忍不住買杯柚子特飲試吓!  中伏了!  超甜及簡單到是柚子蜜+雪碧+冰.  不過在飲這杯特飲期間, 也看到香港貧窮的一面.  在快餐店內眼見有一位大約六十歲男士, 衣著非常整潔.  他走去每張冇人坐自的枱上, 去搜集客人吃剩的薯條, 先拿來自己吃, 然後再問收銀員取紙袋把薯條帶走.  之後他走去垃圾桶, 再尋找飲品,  就是客人飲剩的汽水杯內溶了的冰塊水, 見到這情況, 真的令人覺得可憐及無耐,  幸福真的不是必然.

經過某商店, 見到唔同紙杯設計, 好有創意

轉頭在街角, 又見化妝品牌化妝車做宣傳

香港 & 新加坡遊 DAY 8 APR 26, 2018 (車仔麵+接機)

今朝一早起床, 七点鐘由馬鞍山出發去筲箕灣, 為的是給表舅父一個驚喜及請他飲茶.  本想去他慣去的酒樓撞佢,但又怕佢轉了新地方飲茶.  穩陣起見,  上巴士後先給他一個電話, 確定他去哪間酒樓, 我先去攞位等他.  以前細個, 不是經常見面, 近這幾年和家人回港,  都是表舅父一家招呼我們.  起初表舅父收到我電話, 他還以為我剛落機在機場給他電話.  人大咗, 會開始更加珍惜和長輩見面,  因為今日唔知聽日事.

飲完茶,  表舅父去公園做運動, 而我就一個人去太古城行吓.  眼見Anges B 咁多甜品, 見咁靚,影咗當食咗.

一早見完表舅父, 下午就見表姨.  佢上年巳想帶我去太子的肥公車仔麵, 可惜肥公平日晚上收七点半,星期日又唔開.  今年再嚟, 一点正值午飯時間, 門口又一條隊.

肥公車仔麵真係平靚正.  鹵水大腸及牛腩好入味.

吃飽後途經一間店舖, 舖內放滿了很多舊款的衣車, 又拍吓照先!






晚上要接Honey機.  朋友說我住的地方,夜晚沒有東西吃,  一早巳買定杯麵給我們.  雖則多謝他的細心, 但我心想這裡是香港, 不是加拿大,  怎可能夜晚冇食肆開,  就算真的沒有, 可坐車去沙田及大圍吃.  今日看報紙, 才知馬鞍山冇好野食, 有"美食沙漠"之稱, 怪不知朋友說夜晚這裡是沒有東西吃啦.

坐了十幾個鐘頭飛機,  Honey梗係想食港式食物.  求其找一間茶餐廳, 叫了一客猪扒炒公仔麵加凍檸茶.  正!

香港 & 新加坡遊 DAY 8 APR 25, 2018 (再去堅尼地城)

每次回港去堅尼地城,都想試試榮記的魚札.   魚札不是每檔潮洲粉麵都賣, 他們多數有魚餃, 但未必有魚札.    喜歡吃魚札貪佢內有西芹及紅蘿白的爽脆, 可惜榮記的魚札不好吃, 因他們魚札內的西芹及紅蘿白是不爽脆的. 若說魚札好吃, 冮仔記仍是我的首選.

魚札魚餃河

紫菜魚旦并墨魚丸, 朋友說愛吃這裡的雲吞

吃飽後, 又再去西環碼頭行行

近年好喜歡拍單車, 總覺得有一種舒服休閒的感覺

之後一人去了旺角行街及晚餐.  起初只知KIKO在IFC有店, 估唔到現在連旺角都有分店.  認識KIKO是因為上次歐遊時, 朋友對這品牌讚不絕口, 我不是美容達人, 只可說以價錢來說, 產品唔算差.  經過美心快餐, 本想吃個下午茶當晚餐, 怎知已過了時限, 唯有吃個焗豬扒飯再加杯伯爵檸檬茶.  伯爵檸檬茶好似好創新, 叫做試過啦, 還是港式檸檬茶好D.