自兩年前,我家有事發生後, 我巳經打定輸數失去以往的自由,去旅行的機會會好渺汒. 真的多謝一班親朋好友的幫忙, 我才可以重獲自由. 現在每次去旅行, 都不知道下一次會是幾時, 仲有冇人願意幫忙呢? 今次因公事可以令自己留港兩星期, 可以鬆一鬆! 家中亦沒有特發事,絕對要感恩.
今次自己第一次留港, 開頭都有D驚同緊張. 但心想這是自己生長的地方, 應該無有怕. 加上當年我乜都唔識被我媽掟了來加國, 最後都挨過了, 就更加唔驚啦! 相反經過今次一人回港, 我開始好嚮往.
早上朋友帶我去她家附近馬鞍山的舊式商場吃早餐, 舊式商場有好多檔食肆, 專做街坊生意, 人情味重. 一到香港, 梗係先嘆番杯奶茶. 求其一間都比加國好, 無辦法, 材料問題.加國是沒有黑白淡奶. 沙爹牛麵的沙爹汁都OK.
中午, 朋友要請裝修師傅飲茶, 怕我一個人悶, 所以叫埋我. 去了集團酒樓彩褔. 酒樓位於大廈頂樓, 所以天台有個靚景場地, 比人影吓相.
下午去荃灣民豐粉麵, 買我喜歡的韭菜水餃及民豐隔兩間店鋪的廣東水餃做晚餐. 上年有親戚來加國玩時, 告訴我要吃荃灣四坡坊唯一雲貴川米線. 所以打算來吃下午茶.
** 怎知在找雲貴川時, 朋友說很耐無吃米芝蓮祥興記生煎包, 於是買一客Share **
祥興記生煎包, 你可以話佢脆皮底, 亦可以話佢底好硬. 見仁見智! 不過生煎包內有好多湯汁
好啦! 終於找到雲貴川米線. 正值下午四, 五點, 不用排隊. 叫了網上及親戚推介的
腩肉及炸醬, 還加了猪脷. 一大碗和朋友Share. 起初可能我期望過高, 我覺得只是一般. 怎知回來後再看網上食評, 原來要叫酸辣或麻辣, 我兩樣都無叫, 吃不到精髓. 怪自己做功課不足, 唯有等下一次.
朋友問我有冇吃過冰菜, 我完全不知道是什麼. 原來菜葉表面上好像結了霜有冰粒, 所以叫冰菜. 可當沙律菜或灼熟當油菜吃.
最後我們買了些配今晚的水餃做晚餐. 當油菜吃的食後感: 叫做試過, 幾得意。不過無乜菜味及不甜, 可能用來做沙律會好D.
