香港 & 新加坡遊 DAY 11 APR 29, 2018 (新加坡 Day 1A)

仲有唔夠一星期, 我就要返溫哥華.  Honey 遲些要往大陸傾野, 剛巧有數天留港, 我們立即找地方去玩.  本想去日本, 泰國或台中,  撞正五一假期, 通通都貴.  最後旅行社建議去新加坡, 算比較化算,  因今次我們真的是快閃旅行 (星期五出機票, 星期日飛), 亦是我們的第一次快閃旅行.
再次步入香港國際機場, 嘩!發現成架的士放咗入Duty Free 商店內


這些紙做的迷你藝術品好細緻!

話咁快, 已經抵達新加坡啦!  機場給我的感覺是好多樹木, 好綠化!


機場很多地方及旅遊熱點都有意見螢幕給旅客評分, 估唔到笫一個意見螢幕是在厠所發現.

我好喜歡這樹林佈置,   中間隻金絲雀令成個樹林充滿生氣, 尤如進入了另一個童話世界

今次臨急臨忙買旅遊套餐 (機票+洒店), 唔想太貴, 就只有比較遠的洒店.   旅行社職員說新加坡地方唔大, 遠少少都OK嘅!  加上機場人員好友善, 知道這洒店比較遠, 他們好有耐性教我們搭車及轉車, 更寫下哪一站轉車及落車給我們.

洒店雖是二星, 但好乾淨亦好滿意!  加上洒店門口及對面就有巴士站, 方便四圍去!

香港 & 新加坡遊 DAY 10 APR 28, 2018 (中學周年晩會)

一早起來, Honey 說要去大埔, 當然去埋大埔街市熟食中心,  幫襯了鴻發牛什魚蛋專家&平記麵家.  我們最愛來這地方,   因為有好多店舖,  可去隔離舖買点心或西多慢慢嘆!

鴻發牛什麵, 仍保持水準

平記麵家的雲吞好吃,麵就麻麻, 唔夠爽

因留港時間唔多, 所以不斷約朋友見面, 來過短聚下午茶.


接著就是出席晚上的中學聚會, 途經一間小食店, 同學說肚餓, 買了鱼旦開心 Share. 老板說他賣的鱼旦是陳皮鱼旦, 但我食不出有陳皮味

我好開心及好珍惜出席今次的中學聚會.  自移民後, 中學同學各自有小聚會, 我都未能出席.  今年有同學齊集所有老師, 叫哂同屈畢業同學,搞一個大聚會.  我好希望能夠參與.  一來下年未必再會有同學願意搞,  二來有同學專程從外國回來出席; 三來我想跟同學見吓面. 

** 已忘記我們曾經有校歌, 亦忘記点唱. 聚會送給同學 一些小禮物留為後紀念  **       

** 有同學仍保留當年的校呔**

香港 & 新加坡遊 DAY 9B APR 27, 2018 (極尚大喜屋)

未回港前, 朋友巳約定去大喜屋,  他之前去旺角分店,  覺得抵食兼好食!  所以一定要帶我去. 今次揀了去尖沙咀極尚大喜屋.  幾年前經過尖沙咀,已知此店, 因門口經常有人大排長龍.

相比加國的日本放題, 香港的真係有好多食品選擇.  人中仲要啤酒, 清酒,梅酒,雞尾酒任飲.  雖不是靚酒貨式,  以這價錢, 亦不可太苛求.

先吃沙律及前菜: 黑松露帶子沙律, 柚子鮮蝦沙律, 海葡萄沙律及泰式鳳爪,  然後生魚片







小吃有北海燒帆立貝, 芝麻雞翼, 炸芝士年糕，炸鮮奶條 & 炸貓山王球

仲有蜆粥



咖哩炒蟹及酸菜魚, 試過就夠,下次可留位置吃其他食物.

芝士蟹棒這壽司及鵝肝牛肉壽司很好味, 再Encore 多次. 最後是甜品時間,但巳忘了影相, 甜品有多款旦糕,牛奶布甸,  芝士蛋糕, Tiramisu, 雪條 &雪糕.

香港 & 新加坡遊 DAY 9A APR 27, 2018 (旺角食,食,食)

來港多天, 很想吃粥.  找了商場附近的靠得住試吓.  搭枱的食客見我們影相又讚好食, 忍不住跟我說是好食但就細碗D,  因我為食, 所以細碗相反比我留肚食其他野‧ 又是回加國後, 才知靠得住的雲吞也很好吃.

吃飽飽後, 要去旺角辦事, 又要去睇手機同旅行社, 想同Honey去三日兩夜旅行, 撞正五一黄金周, 都怕機票會貴.

Honey 每次回港, 一定要來旺角, 要去通記吃魚旦麵, 這是他的情意結, 有童年回憶.

而我的情意結, 就是各間快餐店. 童年回憶有大家樂的咖哩角.

剛巧今年是大家樂50周年, 改用了紀念杯做宣傳, 立即拍下照片做個紀念.

廣告的吸引力真係好大, Ｄ海報影食物影得好靚, 忍不住買杯柚子特飲試吓!  中伏了!  超甜及簡單到是柚子蜜+雪碧+冰.  不過在飲這杯特飲期間, 也看到香港貧窮的一面.  在快餐店內眼見有一位大約六十歲男士, 衣著非常整潔.  他走去每張冇人坐自的枱上, 去搜集客人吃剩的薯條, 先拿來自己吃, 然後再問收銀員取紙袋把薯條帶走.  之後他走去垃圾桶, 再尋找飲品,  就是客人飲剩的汽水杯內溶了的冰塊水, 見到這情況, 真的令人覺得可憐及無耐,  幸福真的不是必然.

經過某商店, 見到唔同紙杯設計, 好有創意

轉頭在街角, 又見化妝品牌化妝車做宣傳