遇見貓咪!

昨天跑步時，給我遇見了這兩隻貓咪

兩隻貓咪一左一右，坐定定任你影,就算搵攝影師影,隻貓都未必肯咁坐

這隻黃貓見過佢好多次, 次次都係佢單獨一個

黑貓第一次見

我估應該是黑貓睇中隻黃貓,一直咁跟實佢. 跳上圍欄落地都唔放過, 一直死跟.

遲 D 會否有貓咪 BB? 期待中!

回港及回鄉探親 2025 Part 11 - 權發小廚

之前提及快餐店的質素大不如前, 改去有兩餸飯天花板之稱的權發小廚試吓. 想試好耐,每次行程都沒有時間.

眼見門口經常有人排長龍.有上班一族, 南亞裔人, 仲有好多街坊購買熟餸. 第一次幫襯, 坐我們對面的是一行四個行政人員. 他們不停討論那個餸好吃,又回味之前所吃過的餸菜, 更加大讚這裡人流多,餸菜不停推出夠新鮮.

權發出名多選選擇. 除了有菜,有肉又有魚外.又有些特色菜如豉油王鵝腸,紅燒乳鴿,蒜蓉粉絲蒸龍蝦 & 鮮蟹肉蝦米桂花炒粉絲等等. 我要了豉椒炒蜆和咸蛋肉餅, 炒蜆無沙, 肉餅唔乾又彈牙!

Honey 選了他最愛的通菜牛肉,另有話梅豬手.話梅豬手酸酸甜甜幾開胃! 我們覺得權發的質素比快餐店好, 計劃去多次試吓其他菜色.第二次去, 有個婆婆坐我隔離. 她好開心告訴我, 買到新鮮石斑一條跟白飯,只是 HK#60. 她說成條魚食唔哂,會食一半,留一半.發覺原來這條新鮮石斑是非常搶手.

網上有關注組討論邊個餸是必吃,黑醋骨是其中一款.

所以今次我們叫了黑醋骨 & 蒜蓉莧菜

又 Encore 多次通菜牛肉, 再試埋梅菜扣肉.

回港及回鄉探親 2025 Part 10 - 快餐店

每次回港總會光顧久違了的快餐店,但發覺質素下降不特止, 價位亦不平民.細心想, 又真係難會好食? 因為現在好多快餐店炒粉麵用機器炒, 碟頭飯如涼瓜牛肉是預製餸, 再在餸上加豉汁,奶茶咖啡也是一般. 有次在大X活吃海南鷄飯, 鷄飯竟然是白飯.

快餐店集團為了搶生意, 都各出奇謀.除鐵板餐和火鍋外,又推出街頭小食下午茶, 兩餸飯套餐, 連酸菜魚米線也有. 以前覺得快餐店的焗豬扒飯好好食,分別在美X和大X樂食焗豬扒飯, 前者過咸, 後者過濕.不確定人大了, 是否也跟著味蕾一起改變, 還是快餐店質素真的下滑? 如果要說這些快餐店仍有甚麼好吃?我會話大X樂, 銀針粉仍保持水準,特價鴛鴦炒飯亦可以.

美X的燒味飯仍然好食.

搶手的黑椒鷄扒飯都OK,鴛鴦米線就用來打咭吧.

至於大X活, 只是幫襯了一次,好難評論.唔知大家喜歡哪一間快餐店?

回港及回鄉探親 2025 Part 9 - M+ 博物館

看完勞力士“GMT-Master 穿越時區” 展覽, 順便走去 M+ 博物館逛逛.這博物館也是第一次來.

上圖是一幅用沙呈現出來的畫作, 下圖以為是展示木方格的藝術品, 原來主題是"光".

我真係無乜藝術觸覺.

藝術品主角是燈,木方格才是配角,主角和配角都分唔清楚, 哈哈!

謝謝大家的問候!

朋友離世的事情,我心情已經平伏了. 謝謝大家的問候!

換個角度想, 她已經有癌症超過 10 年,現在她終於可以脫離所有恐懼 & 痛苦.