2024去東京過聖誕節 - DAY 1A

話說上年身邊有很多朋友嘗試搭 ZIP AIR 去日本, 大部分結論是以廉航來說,只要不是要求太高, 都OK嘅!乘搭前我們已經有心理準備,預咗 Free Wifi 唔掂,飛機餐唔好食及沒有任何服務.

我們坐完之後, 評價是飛機餐出奇地好食過其他大的航空公司, 飛機上是有服務, Free Wifi就好弱,無法看片及座位比較其他航空公司窄少少. 但在聖誕旺季,用 CAD $1,000 飛去東京, 仲想點?

到達東京是中午, 上兩次經驗等過關入境等好耐, 所以預留多些時間, 訂遲少少機場巴士.這次我們改搭機場巴士, 一站到達和不用拿著行李上車落車.但要趕時間的話, 就搭Skyliner或其他交通工具啦.

估唔到今次入境比上兩次快,距離乘搭機場巴士還有兩小時,我們便留在機場消磨時間.

先去扭蛋機看看有什麼好扭? 由最初說沒什麼好扭, 變成要控制暫時唔扭住.

見到Nintendo Check In,有公仔供遊客拍照,有Mario產品及有機打!

機場太多野睇,行行吓有D餓,見有鰻魚飯吃, 仲要是我想試的店鋪.之前已計劃要專程去,估唔到機場有,立即開動日本的第一餐.

時間關係, 我們沒有注意 Menu 上有兩款鰻魚,一是直接燒,另一款是先蒸後烤. 我們叫了先蒸後烤,好食!只不過大家叫埋同一款,試唔到直燒鰻魚. Honey 話回程時再來食多次, 試埋個直燒鰻魚,看看邊款好食?