2023 日本遊輪之旅 DAY 1 - 橫濱

早在去年8月, 朋友報料有特價遊輪, 少於CAD $1800 有13天的遊輪假期, 仲要去日本, 唔理咁多, 訂咗先算! 之後在今年3月, 有消息傳出遊輪公司因為 Overbooking, 有一些客人被取消; 朋友們都替我們擔心,紛紛問我們 Booking 是否被取消, 又說怎樣賠償? 我們只想去, 不想賠償. 好彩最後我們如願以償, 一行4人, 個個都有得去! 遊輪是在橫濱上船和下船, 我們早一日到橫濱, 留一晚等待明天上船.

很久沒有飛東京成田機場, 一落地立即有牌子歡迎遊客, 個個遊客都停下來打咭, 我亦唔輸執, 打個咭先!

在酒店我們放下行李後, 附近有間雞專門店, 一起去開餐.

見菜單上有燒雞卵巢, 我們當然唔敢叫.

送的前菜 - 肉碎茄子

吃鳥燒怎少得燒雞翼, 雞皮, 雞心, 雞腎, 雞肝? 通通都有叫. 原來這店的雞肝, 是燒半生熟, 朋友用日文要求燒熟D, 可惜仍是生生地!

除燒雞肝生生地, 燒雞皮不夠脆外, 其餘的食物都 OK. 試了燒飯團, 親子丼,炸豆腐, 雞湯.

雞湯非常細碗,看似是雞的精華, 是滴雞精嗎?

當晚是中秋節, 我們早有準備少許食物和水果, 回酒店一齊賞月. 我現在才發現,忘記把當晚圓形的月亮拍下來留個記錄.