Hawaii Trip Day 4B - Dec 18, 2019

現在個個留家抗疫, 真係好懷念外出吃飯及同朋友相聚的日子.  那就回憶番夏威夷的美食吧!   今次行程所吃的東西, 大多是跟好友及Auntie 推介, 皆因他們在十月在夏威夷玩完回來.

推介１: ONO SEAFOOD


被譽為夏威夷最佳Poke, 兩點鐘門口亦排滿人, 好多旅客是慕名而來, 亦有本地人光顧!


魚生用各款醬油調味過後，吃不出鲜魚味, 但調味醬油好好味。 不過這店超多人，材料應該新鮮，我比較喜歡吃八爪魚.  和加國的Poke 有些不同, 加國的Poke有魚有菜有沙律, 醬汁是自選. 這裡的Poke 是以魚生為主, 並沒有蔬菜及沙律, 而醬汁在巳撈好在魚生上, 自選是唔同味道的魚生. 有麵豉, 靑芥, 日式沙律, 醬油及辣油等.

推介 2: LEONARDS BAKERY

在ONO SEAFOOD 同一條街上, 這個葡式 Donut, 連一向不愛Donut 的我都讚好!

門口放滿了店鋪的報導及相片





点解咁多人嚟，因為是即叫即炸，個個都來買半打 / 一打走㗎，不只是遊客，本地人都揸車來買. 叫了一個石榴及一個椰子夾心


我不是冬甩粉絲，伹這個冬甩真的好鬆軟，又不會死甜，石榴及椰子夾心好特別, 而且好多餡.

Hawaii Trip Day 4A - Dec 18, 2019

 繼續回憶一下我的快樂時光! 

今天去了場地好大的Aloha Stadium,  因為要去一星期舉行三次的Swap Meet .  
 


Swap Meet有些像加國的Farmer's Market, 亦有些像香港的女人街，有好多當地野賣。

這個红色粉叫 Li Hing Mui, 是酸粉，當地人喜歡用來撈菠蘿及芒果





老伯揸架車，車尾放滿椰青就可做生意啦!



有我名字的手繩已賣光了

很喜歡夏威夷的車牌，配合彩虹好靚

韓國人氣咖啡

韓國人氣咖啡，見老友玩開，我又贪得意玩吓!

Ratio 1:1:1 , 一膠杯熱水，糖及咖啡粉也是一膠杯

要手打400 次，咪傻啦，用機好過



打成泡沫


完成!

味道Ok 啦! 我用了隻酸味重的即溶咖啡粉，下次要改用雀巢

Hawaii Trip Day 3B - Dec 17, 2019

疫症期間, 大家都盡量留在家中, 希望所有Blog 友都平安度過, 待疫症過後, 大家可快些回復正常生活, 繼續去旅行, 繼續吃喝玩樂!

大家, 加油呀!

多了時間在家, 可繼續我的遊記, 回憶一下我的快樂時光!  吃完午餐後, 順道在唐人街行下!

這個市場富有東南亞色彩, 有懷舊街市, 又有古老雜貨店!







原來迎接我們到步的花環, 可以在街上買到.  一盒盒用人手穿好, 放在雪櫃內任君選擇! 而店內不斷有人努力在穿花環.

晚上去了吃烏冬, 因為價錢平又好吃, 所以經常大排長龍.

排隊從來對我都不是問題, 多人排隊味道應該唔會差得去邊! 這烏冬店從未在日本吃過, 上次吃是在北京, 今次吃竟是在夏威夷!

夏威夷店和北京店有些不同.  可能是旅遊區, 夏威夷店食物較多選擇, 有烏冬沙律又有牛肉烏冬等.   相返數年前的北京店, 食物就只有烏冬, 配搭就只有10幾款天婦羅, 沒有任何特定的牛肉烏冬及擔擔烏冬等囗味.   無吃多年, 味道依然!

在夏威夷,  和日本一樣, 很多產品都是區域限定!   真係好易破財, 我自己都買咗少少! 「

相中小叮噹的太陽眼鏡，可以戴在叮噹面上,又可以放在叮噹頭上.

終於封城!

今天溫哥華市政府今日宣布將會關閉大多數的市府設施，並要求酒吧及餐廳業者，配合限制店內的顧人數。而關閉的設施包括社區中心、游泳池、健身中心、滑冰場、高爾夫球場以及所有市府的戲院。

過去3個星期, 溫哥華聽眾打上電台的Phone In 節目, 大部份人都是問:

1.) 確疹數字係咁升, 點解仲唔封關?

2.) 幾時會封關?

3.) 成日話加國新冠肺炎仍處於Low Risk,  再唔封關, Low Risk 就變High Risk

好啦!   今天早上加拿大總理杜魯多宣布全面封關，除了加拿大及美國公民外，禁止其他人士入境，同時在18日起會限制所有飛往當地的航班，只能前往四個主要城市.

本來宣布封城, 終於令大家可以鬆一口氣, 怎知.....他一句"除了加拿大及美國公民外", 又會唔會令大家透唔到氣?

Hawaii Trip Day 3A - Dec 17, 2019

昨夜吃自助餐比平常晚餐吃多了, 所以今天要去行山.   上一次來夏威夷是渡蜜月,  在沒有做足功課及準備下,  我們只在山腳下拍照, 到此地一遊便算.  但今次行上山, 個景靚到呢....

先上山找隊道，過完隊道再找入口處. 隊道有D窄, 人和車可一齊過隊道.


在夏威夷經常見到這兩種雀鳥，紅色頭叫Red- crested cardinal ，另外果隻叫Zebra Dove, 因為佢有間條紋，似隻班馬.

好啦, 開始由山腳上最高的山頂, 我統計過有二條好斜好窄嘅樓梯, 一條有60幾級, 另 一條有90幾級, 期間上山的路有很多碎石, 但又不算好辛苦, 只是天氣好熱.  不過一上到山頂後, 望著成個靚景, 是超值的.



行完山去食晏 , Auntie 推介去唐人街食滑滑河粉, 佢話從未在北美洲食到咁滑河粉. 佢上次來, 食完仲買咗3磅帶回溫哥華.


早起的鳥兒有蟲吃, 我們兩點才到達此店, 一坐低伙計便說河粉賣哂, 仲有腸粉.  一心來吃河粉, 唯有試腸粉, 但我又唔覺得好特別.  不過每人有唔同口味, 不能以我作為標準.

河粉吃唔到, 只好食牛腩麵及雲吞麵.   水準就一定是溫哥華好.   這裡只有家中媽 媽的味道.   本想再找機會來試河粉, 但行程緊逼, 唯有寄望下次旅程.