香港,京阪神2017 Day 19 - NOV 05, 2017

距離返溫哥華的日子越來越近, 陸續有朋友約會. 一早去了旺角倫敦大酒樓飲茶, 約了契女 (我們私底下叫, 沒有正式上契).  話說2009年, 我坐電車尾樓上, 準備拍下街道及舊樓; 正當我舉高上機, 後面電車頭樓上的一位三歲小妹妹, 不斷在我鏡頭前擺Post. 到電車停站時,  這位小妹妹又唔怕羞撩我說話.  見你咁可愛又唔怕羞, 幇你拍下幾張玉照先.  到我下電車時, 原來小妹妹和嫲嫲也是同一站下車, 咁有緣份; 立即交換電郵地址, 待我日後可發放照片.  就係咁! 我們巳由 由昨天的電郵到現在的What apps, 一直保持聯絡.

契女嫲嫲約了我們去旺角倫敦大酒樓飲茶.  差不多每十個茶客就有七個茶客都叫這個燕窩椰王, HK$28, 立即叫來試試.不管它的燕窩是真是假, 味道好好!  到再想叫多一個, 巳經賣完. 要等下一輪(大約半小時). 估唔到要等咁耐, 巳經都有成20人在出点心位置排隊等這椰王, 我當然排埋一份.  契女嫲嫲說這酒樓另一熱賣点心是义燒餐包, 一樣有好多人排隊!

下午另一朋友約了去 LADY M.  迷上了它的Crepe Cake好耐, 未食過Fresh Crepe Cake.  因我為食到, 有朋友來溫哥華探我, 我叫朋友買4件, Frozen後帶比我食.  Frozen後都好好食, 上次卬象中, Green Tea Crepe Cake & Yuzu Cheesecake都唔錯; 相反Earl Grey Crepe Cake 味道就淡咗少少!





















Tea Set 價錢好吸引!  $298可選4件旦糕 + 2杯飲品.  選了香港限定: 玫瑰Crepe Cake, 原味Crepe Cake, 其他2件, 巳忘了是什麼旦糕, 但總括來說, 每件都唔錯.

晚上和一班親戚吃飯, 叫一圍有肉有海鮮又有菜, 唔駛揀食乜野咁煩!














圭









** 用紙杯載著炸蝦丸, 賣相可愛 **

** 臉盤咁大既馬拉糕, 大家都好興奮, 個個都爭著相機食先 **

這餐飯, 一班長輩都吃得好開心.  他們都一把年紀, 真係見得一次得一次, 今日唔知聽日事.  回加國三個月後, 席上的一位長輩因在街上跌倒, 入院後因有其他拼發症, 離世了.現在回想起, 好彩離港前有和他聚聚, 吃了這餐飯; 我仲記得當晚他吃得很開懷.

香港,京阪神2017 Day 18 - NOV 04, 2017

去旅行我甚少放相上Facebook, 但因這個行程來得不易,  所以我每天都直擊報導. 亦因為咁, 一些不是經常在Facebook活躍的朋友, 發現我身在香港, 好有心, 非常忙碌的他, 都要找個時間相聚.  皆因中午去吃自助餐, 於是相約在吃自助餐旁的 一間咖啡店見面.

咖啡店叫 Peace Square, 店內佈置很清新, 進內如身在外國的咖啡店 一樣.  近期愛上了玫瑰, 無論是花茶, 果占, 沐浴露及護手霜, 都令我變得瘋狂.  見餐牌上有玫瑰 Latte, 立即点杯試吓!  玫瑰味香, 奶泡好滑, 好飲,都現在仍回味緊.

聚會一個接一個, 在咖啡店逗留了個多小時後, 便到咖啡店旁的維景酒店吃自助餐.自助餐雖沒有Hotel Icon - The Market 咁精彩, 但和長輩相聚, 珍惜相聚時間多於食物.

這自助餐有我的童年回憶: 咖喱角&雜果涼粉





來一客胡椒豬肚湯先!








晚上中學同學約了在铜記吃泰國菜, 但掛住傾掛住講, 已忘了影相.

香港,京阪神2017 Day 17 - NOV 03, 2017

今天約了從加國回留的朋友吃海南雞飯,  她回港住了一段長時間, 遲些又想返來加國住.  這些來來回回的個案不止我這個朋友, 身邊也聽到不少聲音.


她帶了我去海南寶寶, 雞飯好味.  喇沙OK, 但冷氯太大, 好快令喇沙降温, 扣了分.

晚上Honey的小學同學帶我們入香港仔食海鮮.  第一次生黄竹坑線, 出押後發覺以前的工業區變化不少, 多了很多幢商業大廈.


朋友因為同漁業協會相熟, 特意為我們安排了私房菜.

朋友太客氣, 有好多海鮮, ４個人,吃到一半已飽

叫了芝士焗, 但最後變了上湯焗, 但都好吃.

大大隻蝦碌和旦白蒸蟹


我已忘記了以下這款海鮮的名稱, 應該是蚌啩?