Happy New Year!

新一年, 祝大家新年快樂, 出入平安, 身體健康!

温哥華 - 破地獄

破地獄終於上星期在温哥華上映, 估計港產片就算多人看, 應該都不會現場買不到飛. 怎知當晚即場爆哂, 下兩場亦爆滿, 連頭幾行都無位, 於是改為今星期看, 揀看下午場, 一早網上訂定位,到達現場再看座位一樣爆,頭三行仲有位,唔介意頭岳岳都仍有飛賣. 其實院方已加開多幾場去滿足觀眾, 由原先一日5/6埸再加開多2/3場.

温哥華好少有港產片連下午場都咁旺場，仲同場分別撞到兩班朋友，差不多所有華人都出來支持這部電影,觀眾層面很廣,有年輕人及中年人, 最想不到有很多老人家都來看這部電影.

我覺得這部電影唔錯, 個個演員都有戲演.衛詩雅演得好,但韋羅莎及梁雍婷就仲好。我有朋友話如果不是黃子華同許冠文做，就未必會好睇. 這套電影係黃子華和許冠文兩個的靈魂所在.我只認同一半, 兩個笑匠是賣點之一, 但都要劇本好才能令觀眾產生共鳴.

未看這部電影前, 巳知道有好多淚水位,有幾場戲是感動,亦有幾場戲是傷感.電影中總有一些你.我或他相似的故事,有似曾相識的感覺,正正觸動了大家的情緒.不知道你看了這部電影未?看過後的你,又喜歡這部電影嗎?我,喜歡!

Too Good To Go 唔好徙系列 # 2

又在App中尋找有沒有唔好徙食物,見有一間想試的腸粉店,又落單試吓!CAD $7.99 Surprise Bag 内有齋腸粉一碟和十幾粒咖哩魚蛋.

上網站查看正價, 大概要 CAD $20-24. Cad $7.99這個價錢幾好呀,不浪費,又能用一個優惠試吓新店.最後果十幾粒咖哩魚蛋,加了個蘿蔔和幾粒豬肉丸,就變成另一味餸!

車仔麵

有些朋友跟我說,她現在不會吃車仔麵.原因是車仔麵本是平民食物,價格不應該咁貴,吃一碗要成HK$ 40-50. 我想價格貴是因為食材貴,租金貴,加上全球物價上升, 很多東西我們都無法避免.要講貴,加國的車仔麵咪仲貴,要CAD $13.5-14一碗,另加稅和 Tips. 雖然唔平, 但就深得一斑移民歡迎, 可解相思食物之苦.

有天朋友去了溫哥華某間出名車仔麵店,傳了一些照片過來,引到我流晒口水.最終週末要去食番碗.步入麵店,顧客有老人家,中年人和年輕小伙子, 老人家及中年人顧客佔多數,似乎大家身處在西方國家,都非常想念這些地道美食!

叫了兩碗兩餸麵, 一碗牛肚.咖哩魚蛋跟腩汁.另一碗魚片頭,魷魚鬚跟沙爹汁.這店D汁是分開上的.

這店另一名物 - 風沙雞翼, 太耐無食,非常好味.

Too Good To Go 唔好徙系列 # 1

早排有朋友推薦一個應用程式,可以用一個優惠價格購買當天麵包店,餐廳 & 超市餘下仍然新鮮和好的食物.Too Good To Go 是一家具有社會影響力的公司，其使命是激勵並賦予每個人共同對抗食物浪費的能力。根據世界自然基金會 (WWF) (2021) 的數據，全球生產的食物中有 40% 被浪費了。這意味著每年有25億噸食物被浪費。這相當於全世界每秒有 8 萬公斤食物被浪費。

見網路上有人買Pizza, 又有人買到整個生日蛋糕. 我即管試安裝個 Apps,看看有什麼店鋪參與?怎知一打開個 App, 就有一間我想試的餅店,咁就立即購買囉!買的是一個 Suprise Bag,類似福袋盲盒咁,有什麼就睇 彩數啦!去取盲盒果一刻, 只感覺到個盒很重.

回家打開一看,原來有兩個牛角麵包(黑,白巧克力味及白巧克力覆盆子味)加三個馬卡龍, 雖然有兩個馬卡龍形狀不太好,但我不介意,好吃便是了! 在餅店網站查看正價, 大概要 CAD $22-24, 現在這個驚喜盒只賣CAD $5.99,可以免遭浪費,保護好食物又可以給我試吓新的餅店,更加可以幫我省錢!