香港,京阪神2017 Day 4B - OCT 21, 2017

早上吃完一個大烏冬, 又行埋市場後, 立即回洒店Check out, 坐車去京都啦.

今次去京都目的是想睇時代祭. 因為我Honey自上次去完京都, 知道有這個祭典後, 已鎖定下次再去京都, 一定要參加.  時代祭是京都三大祭典之一, 每年十月二十二日舉行. 所以這段時間, 京都會很熱鬧, 酒店就好緊張,

當我們去到洒店Check In 時, 服務員同我們解釋洒店巳Overbooked, 問我們介唔介意轉去他們公司旗下的另一較新洒店, 近市中心多D, 還送我們兩天免費早餐 Buffet. 服務員不斷用英文說 "Upgrade".  我們都無問題, 又可慳錢吃免費早餐; 當我們說ok後 , 服務員的態度有如釋重負的感覺, 還不斷恭躬向我們道謝.

洒店辦妥後, 下一步就是時代祭. 剛到步在大阪機場巳收到消息未來兩天將會有風暴, 京都時代祭有可能會取消. 我們再和服務員確定, 今年的時代祭因颱風關係要取消.  服務員說每年十月是京都最好天氣的日子, 所以時代祭亦選擇在十月舉行.  以往時代祭若遇著下雨, 只會延遲一天舉行,很少取消.  這次要取消, 相信颱風帶來的威力真的很大.唉!  一心諗住來睇時代祭, 怎知...天氣不似預期, 有失必有得, 就當Upgrade 洒店補番數吧.



經洒店服務員介紹之下, 來到四条通的茶寮都路里品嚐綠茶雪糕. 之後就坐車去宇治.

** 中村滕吉總店 **

** 參觀平等院 **


之後再行手信街, 四處都是綠茶產品:  旦糕,朱古力, 護膚品, 咖哩及麵條等.




行程非常緊密, 去埋宇治神社就返回洒店Check In.  我們的行李已由原先的洒店運送去Upgrade 的洒店了.  到達洒店後, 才發現Upgrade 的洒店, 房間非常大, 環境一流.

Check In洒店後, 立即出去揾食啦!  揀了間燒肉放題做晚餐.

吃飽後, 又再四圍逛逛, 就返回酒店休息.

香港,京阪神2017 Day 4A - OCT 21, 2017

因昨晚七点半已睡著, 半夜十二点醒過後再睡, 四点幾醒了便起床.  今天應該一早去京都, 橫掂咁早醒咗, 再走一轉木津市場, 今次梗定未收市啦.


去木津市場除去逛逛平民街市外, 目的是去朋友推介的大大大碗烏冬.  抵達木津市場大約七点三到, 當天下著微雨, 但烏冬店叫已排了十個人.  當中以遊客居多, 亦有日本本地人.   很欣賞日本的服務態度, 他們不會為了想做多些生意去驅趕客人食快Ｄ, 亦不會要求客人搭枱.  他們只會提早叫店外排隊的客人落單叫食物, 好讓師傅在厨房有所準備.

一早已同我Honey講我不可能吃下成碗烏冬, 倒不如叫一碗Share 再加其他小吃.  怎知有人話自己吃得起成碗, 仲話可以食埋我食唔哂果份.  最後, 我們叫了一個咖哩天婦羅鳥冬同牛肉鳥冬.     Honey 話從未吃過咁好味嘅烏冬, 又滑又彈牙,  牛肉清湯及咖哩湯各有特色,值得等45分鐘. 回加國後和朋友傾開這店鋪, 原來師傅很喜歡送小吃給每枱的客人.  那天我們獲得一粒元貝, 隔離枱的客人有些獲得炸蝦一隻, 亦有些獲得豆腐皮.

吃飽後, 梗係到木津市場內行吓啦!  相比起黑門市場, 這邊沒有太多遊客, 亦不會很商業化. 先行超市:








**  日本版的士拉差 **








** 雖然下圖是CHOYA 釀造1年梅洒.  但在旅行期間, 電視不斷宣傳CHOYA 釀造3年梅洒, 非常後悔沒有買支回加國 **

 再行市場:

** 貨品都排得整整齊齊 **

** 再逛吞那魚專門店 **

臨臨事件引發引發很多虐兒個案

近日全城討論的虐兒話話題, 令我想起很多不懂揍細路的家長.  其實養一個小朋友除金錢外, 有耐性, 心機才是最重要.

以前D人不懂揍細路, 往往不會考慮小朋友的感受.  總之, 我是大人你係細路, 你要聽我話 , 我食鹽多過你食米,你無得選擇.

臨臨事件是行動上虐兒, 我相信亦有不少個案是心靈上虐兒:

1.) 唔憤氣呀!你唔撞埋牆死咗去, 再唔係跳樓死咗去呀!
2.) 我今次就比臉我朋友唔打你
3.) 点解你同學咁叻, 你咁無用
4.) 你睇封信都睇唔掂, 你讀咁多書有乜野用, 你是一個無用嘅學生
5.) 你又点能夠同你Ｄ家姐阿哥比, 你正一陀衰家


其寶心靈上虐兒唔單止影響了小朋友的成長, 日後更影響他的自信心及做人處事的態度.  其實心靈虐兒事件亦有很多, 只是未給人報導及獲得社會關注.

香港,京阪神2017 Day 3 - OCT 20, 2017

今天一早便乘早機去大阪, 六点鐘要到機場. JET LAG啦, 又興奮, 又驚唔知醒; 幾樣野加埋, 整晚都瞓得唔好. 上一次去大阪已經是8年前, 今次又吃又狂買, 超....開心!😍😍

到機埸後先吃個早餐, 不是有太多選擇.  最後揀了大家樂, 因最多人幇襯.

話咁快就到咗大阪, 一出機場, 先去旅客資料中心, 買張 KANSAI THRU 3 day PASSs, 方便我一連七天京阪神嘅行程.

   
      

今次留大阪主要做中轉站, 只留一頭一尾, 其餘時間留兩天京都, 一天神戶及一天有馬. 8年無去大阪, 很多地方已經無印象.  從南海鐵路去難波, 揾酒店都花了很長時間. 到洒店已是二点幾., 不是太餓, 先坐車去木津市場. 從難波去木津市場, 一個站就到, 大國町站下車.












怎知市場非常冷清, 原來已收市.  唯有去木津市場附近行吓.  無意中發現區內有一間中文學校, 又有平價壽司店, 仲有一間平民超市 LIFE.

入到超市見到有好多野食, 麵包, 串燒, 天婦羅, 壽司, 沙律....終於忍唔住口啦!


Late Lunch 最後在超市解決了.  回到洒店已是七点. 本想沖過涼再到街上逛; 但由於Jetlag 加上出發前一晚瞓得唔好, 七点半已睡著了.

香港,京阪神2017 Day 2 - OCT 19, 2017

今天留港一整天, 明天晨早飛去大阪啦!  基於會去大阪掃貨, 途經屈臣氏及7-11, 我都求其望吓及忍手唔買東西住.

早上唔少得要同親戚飲早茶, 去了商場內的洒樓, 貪其方便及易揾位.  其實每次回港, 我最不喜歡就是飲茶.  雖然我是一個茶精, 但加國也有茶飲, 梗係吃一Ｄ港式特別食品.  不過大多朋友諗住可以坐耐D, 傾耐D, 就一定係去飲茶.

** 最喜歡點心拼盤, 可一次試多D 點心 , 有温哥華洒樓少有的牛肉燒賣**
早茶後, 去逛一轉太安樓.  住香港咁多年, 我從未去過太安樓.  兩年前親戚對我說不要去太安樓, 果度好雜!  但我知太安樓有好多好野食, 買野又平; 加上有咁多C9出入, 應該不會太雜!  自2015年去過後, 我都會留意太安樓有乜新野食.

今次難得回港, 去拜訪這間海南雞專門店.  早上11點, 已經有20幾人在排隊.  當然啦! HK$28的價錢, 有飯有薏米水, 平過大家樂, 去邊度揾?  我本想先去看看, 待去完大阪回來後去試.  怎知我Honey為食, 話個飯唔係好大 ,倒不如叫一個兩份試吓! 
**吃過飯後, 撞正TVB拍飲食節目, 又停下來看看! **
之後因為朋友約了在尖沙咀下午茶, 就在附近行行.  和朋友選了這店, 外觀好,環境靚, 但食物一般.



** 以茶做主題的甜品, 但不夠茶味! 綠茶顏色假, 烏龍茶朱古力雪糕都吃不出烏龍茶味 **  

晚上飲表妹果女百日宴. 見識個巨型完整旦黄壽桃包, 太飽已吃不下.

終於放大假啦! 香港,京阪神2017 Day 1 - OCT 18, 2017

自我最愛的老豆走後, 我的生活起了很多變化.  唉! 自由是我最喝望的東西, 我很害怕被人牽絆著, 更加害怕從此就沒有自己的生活. 一想起就驚, 有時驚到會喊. 一句講晒, 家家有本難唸的經! 我只可以同自己講, 你不是最慘的一個, 世上大把人慘過你來鼓勵自己.

好!苦水吐完! 講吓今次行程!  在幾方面的配合之下我終於可以放大假, 還我自由及完全擁有自己的生活啦!

今次坐加航回港, 特價CAD$570連稅. 是很平,但服務真的不及國泰.  我一向鐘情國泰, 如果不是加航特價, 我是不會轉會的.


** 這晚到港時, 發現香港國際機場變身成為一個畫展區 *

第一天到港是晚上, 回到親戚家已經差不多十点.  到附近找魚旦粉吃及飲杯奶茶滿足吓, 不過味道只是一般.

方皓玟 - 假使世界原來不像你預期

送給所有在困難中的你, 努力加油! 這世界真的有很多事情是我們不能預料的.

日本風筒

早半年至一年前, 個個人去日本, 都話要買個風筒返嚟.  我一路都唔知点解, 亦沒有興趣買.  後來我家的風筒開始有問题, 咁啱又有朋友去日本, 那就拜託他幫我買一個回來吧!

起初我倆都銷定Panasonic這個品牌, 怎知朋友去到日本, 發現只有最新的型号才是日本製, 但電壓只限日本國內.  若選擇電壓可在海外及日本國內用, 產品已由日本製變成泰國製.  但無理由一心來到日本買東西, 不買日本製的.  不知真定假, 聽朋友說日本很多產品, 出第一批貨是日本製, 但有些產品出第二批貨時, 是有機會去了其他國家生產.


最後我的精明朋友, 放棄了Panasonic這個品牌, 選了另一品牌TESCOM.  TESCOM是日本製, 電壓亦可在海外及日本國內用, 價錢亦比Panasonic平少少.


回來試用後, 發覺日本風筒吹完頭髪後, 頭髪沒有蓬鬆感覺, 非常貼服.  用熱風吹頭, 不會燙手, 所以不會傷髪質, 相反吹完頭髪後, 頭髪變得很順滑.  看過其他blogger的用後感, 評價都是一樣.

一個令我喊爆的MV

今晚看完不懂撒嬌的女人大結果,本想去You Tube重聽兼跟著譚嘉儀唱陪著你走.  怎知MV都播不夠40秒, 我的眼淚就湧出來, 一直哭到MV完結都收唔到聲。

我相信大部份人都視"陪著你走"是一首情歌, 加上劇中Cherry同 Saving 的感情, 令大家再此記起這首歌.

我一直都視"陪著你走"是一首情歌, 但看完MV後, 除可用來形容愛情, 親情也可以.  MV裡婆婆. 的每一個畫面, 全是我和我老豆的回憶, 導演拍這MV, 就好像走進我的內心世界, 拍下我和老豆嘅感情片段。

MV裏婆婆拖著小孩吹肥皂泡.就是我的童年.
婆婆腰骨痛, 譚嘉儀幫婆婆揼骨是我和老豆的寫照。
婆婆遞上一杯水给譚嘉儀，就同我老豆在家沖茶後，為我遞上一杯茶一樣。
譚嘉儀躺在婆婆的大腿上倾計，而我就倚著我老豆膊頭一起看電視。
譚嘉儀推著坐輪椅的婆婆去公園，而我就推著坐輪椅的老豆去醫院。

每一幕都是我和老豆的回憶，一直哭過不停。是我太投入了嗎？但肯定我太掛念老豆你啦！

有陣時，記性太好未必是一件好事，回想太多，回憶太多，只信會令自己傷痛更多。